E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Dokumentet- Veliaj mashtron KQZ-në?!

11 Shkurt 2025, 14:44, Denoncim CNA

Erion Veliaj

Kryebashkiaku i Tiranës, Erion Veliaj, është arrestuar me vendim të GJKKO-së dhe me kërkesë të SPAK-ut një ditë më parë, pas hetimeve të kryera për përfitimet në kundërshtim me ligjin që kanë marrë ai dhe familjarët e tij.

CNA ka zbardhur vendimin e GJKKO-së, ku thuhet se Erion Veliaj është i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”, parashikuar nga neni 260 e 25 dhe 287/2 i Kodit Penal.

EKSKLUZIVE-Zbulohet vendimi i plotë i gjykatës për Veliajn dhe Xoxën
11 Shkurt, 12:55

Në vendimin e zbardhur nga CNA tregohej se si Veliaj kishte gënjyer prokurorët kur është marrë në pyetje se nuk ishte në dijeni për aktivitetet që kishte kryer bashkëshortja e tij, por në fakt komunikimet e zbardhura nga SPAK-u kanë treguar të kundërtën.

Si i gënjeu Veliaj prokurorët/ Zbardhen komunikimet që fundosën kryebashkiakun
11 Shkurt, 12:39

Por Erion Veliaj nuk është njeriu që gënjen vetëm prokurorët dhe oficerët e BKH-së, por ka gënjyer edhe KQZ-në.

Sipas dokumentit të dekriminalizimit të datës 24.03.2023 të Erion Veliajt në KQZ kryebashkiaku ka deklaruar “i padënuar” .

Por në dokumentin e vendimit të Gjykatës, në faqen e parë nënvizohet gjendja gjyqësore e kryebashkiakut, ku thotë i dënuar.

"Sipas Certifikatës Elektronike të gjendjes gjyqësore me nr.5488 Prot. datë 23.01.2025 të gjeneruar nga hetuesi i Byrosë Kombëtare të Hetimeve, e cila gjendet në fashikullin 63", thuhet në dosje.

Pra, në fashikullin 63 të dosjes për Erion Veliajn, thuhet se gjendja gjyqësore e Erion Veliajt është “i dënuar”.

Duhet të theksojmë se në vendimin e Gjykatës dhe Prokurorisë janë shumë fashikuj dhe me mijëra faqe dhe fashikuj të tjerë.

Gjithashtu theksohet se ka të tjera hetime paralele dhe vazhdojnë.

Erion Veliaj jo vetëm ka gënjyer para SPAK-ut ku thotë se nuk di asgjë për aktivitetet e bashkëshortes së tij, duke e shitur atë, por paturpësisht ka mashtruar edhe KQZ-në.

Në KQZ deklaron se nuk ka qenë i dënuar, ndërsa SPAK-u e nxjerr të dënuar.

Është e rëndësishme të nënvizojmë se nëse dënimin e ka marrë para vitit 2023 dhe nuk e ka deklaruar, apo e ka marrë më vonë dhe nuk e ka deklaruar, pra e ka fshehur këtë dënim, Erion Veliaj nuk duhet të qëndronte në detyrë. KQZ-ja duhet të vazhdonte procedurat për hetimin e tij.

Dokumentet e tregojnë qartë se si Veliaj ka gënjyer KQZ-në dhe e ka mashtruar se nuk është i dënuar, ndërsa SPAK-u e thotë qartazi se është “i dënuar”./ CNA