E fundit!

22:06 Politikë

“Vetëm një i leshtë mendon që protesta nuk është e manipuluar”/ Spaho: Shqipëria drejt destabilizimit politik

Ish-nënkryetari dhe ish-deputeti i PD-së Edmond Spaho ka f...

Denoncimi “bombë” i mjekut/ Beqaj shkatërroi tregun farmaceutik

23 Tetor 2023, 12:13, Denoncim CNA

Denoncimi “bombë” i mjekut/ Beqaj shkatërroi tregun

Mjeku nefrolog, Besnik Jakaj, ka ngritur akuza të forta këtë të hënë ndaj ish-ministrit të Shëndetësisë, Ilir Beqaj.

Jakaj tha në një intervistë me Flavio Qarrin se Beqaj, në bashkëpunim me ish-drejtorin e Agjencisë së Barnave, ka shkatërruar tregun farmaceutik për interesa klienteliste.

“Kanë bërë ndryshime ligjore, nominalisht zoti Beqaj në bashkëpunim me ish-drejtorin e Agjencisë së Barnave në mënyrë që- unë e shumë profesionistë të tjerë e kuptojmë specifikisht- në mënyrë klienteliste, kriminale, për t’u shërbyer dy- tri kompanive, duke shkatërruar tregun farmaceutik”, u shpreh ai.

Mjeku deklaroi më tej se Beqaj dhe ish-drejtori i Agjencisë së Barnave larguan kompanitë multinacionale të mëdha me barna origjinatore.

Si rrjedhojë, Jakaj theksoi se u varfërua tregu farmaceutik dhe filluan të përdoreshin barna jocilësore të orientuar në një grup njerëzish për t'i tregtuar.

“Në terma konkretë ne japim gjithë argumentet, por ndoshta shpeshherë është e pakuptueshme se është gjuhë profesionale, specifike. Ndryshimet ligjore i hapën rrugë importit paralel. Larguan kompanitë multinacionale të mëdha me barna origjinatore dhe për pasojë u varfërua tregu farmaceutik dhe kaluam në barna jocilësore të orientuara në një grup njerëzish për t'i tregtuar, pra për arsye financiare dhe plas kontrabanda. Ju shikoni herë pas here që në dy vite u kapën 120 milionë euro thuhej në një raport para disa kohësh. 120 milionë euro kontrabandë në dy vite që kapët vetëm një sasi shumë e vogël e kontrabandës, në gjitha fushat në botë. Para 3-4 ditësh kishim përsëri një grup të strukturuar të trafikimit të barnave kontrabandë, po ajo është nevojë e tregut dhe njerëzit kur i kërkon tregu është fiziologjike, nëse një gjë mungon në treg do të gjenden në forma të tjera”, nënvizoi ai./ CNA