E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

Katër udhëheqësit botërorë që kanë qëndruar shumë pak në pushtet

28 Tetor 2022, 08:14, Blog CNA

Katër udhëheqësit botërorë që kanë

Pasi “The Economist” e krahasoi kohën e qëndrimit të Liz Tras si kryeministre e Britanisë së Madhe me jetëgjatësinë e një bime maruleje, gazetarët e redaksisë së “Daily Star” blenë një tufë marule, i vendosën një paruke bionde dhe nisën një transmetim të drejtpërdrejtë në "YouTube".

Shikuesit mund të shihnin vetë nëse qeverisja e Tras do të zgjaste më shumë sesa vetë bima, e cila ka një jetëgjatësi tipike prej rreth 10 ditësh. Transmetimi i drejtpërdrejtë në Youtube nisi në 14 tetor 2022. Tras e njoftoi dorëheqjen e saj më 20 tetor 2022, duke i dhënë fitoren tufës së marules.

Por ndërsa Liz Tras qëndroi në detyrë vetëm për 44 ditë - nga të cilat 10 u shpenzuan vetëm për funeralin e Mbretëreshës Elizabet II - disa udhëheqës të tjerë historikë botërorë kanë pasur mandate edhe më të shkurtra. Ja cilët janë 4 prej tyre.

1. Mbreti Luigji XIX, vetëm 20 minuta

Mbreti Luigji XIX i Francës mban rekordin për kohën më të shkurtër të të qëndruarit në pushtet, kjo edhe sipas Librit të Rekordeve Botërore Gines. Në vitin 1830, Franca filloi Revolucionin e saj të Dytë - i ashtuquajturi Revolucioni i Korrikut - pasi Mbreti Sharli X publikoi një urdhëresë kufizimesh që do të binte ndesh me Kartën e 1814, një kushtetutë që mbështeste të drejtat e fituara nga Revolucioni Francez.

Mbreti Sharli X u detyrua t’i hiqte dorë nga froni për t’ia lënë kushëririt të tij të preferuar Luigj Filipit I. Megjithatë, përpara këtij momentin, Luigj Antuani (Luigji XIX), djali më i madh i Sharlit, u bë mbret për 20 minuta, para se të detyrohet të hiqte dorë nga froni. Pas atij momenti Luigj Antuan dhe gruaja e tij, Maria Tereza - vajza e mbretit Luigj XVI dhe Maria Antoneta - u transferuan në Edinburg të Skocisë.

2. Car Mikaeli II, më pak se 1 ditë

Edhe ku udhëheqës pati një mbretërim jetëshkurtër për shkak të revolucionit. Ai ishte vëllai i Car Nikollës II. Më 15 mars 1917, Car Nikolla abdikoi nga froni për shkak të Revolucionit Rus, duke lënë në fron Mikaelin në vend të djalit të tij, Aleksis.

Por kur Car Mikaeli II u ngjit në fron, ai e dorëzoi pushtetin në më pak se një ditë. Duke e pranuar triumfin e revolucionit dhe duke mos dashur të bëhej car, Miakeli abdikoi nga froni dhe në fund pati të njëjtin fat tragjik si vëllai i tij.

3. Ledi Xhejn Grej, 9 ditë

Thuhet se kur mësoi se ishte mbretëresha e Anglisë, Ladit Xhejn Grej i ra të fikët. Pas vdekjes së Eduardit VI, djalit të mbretit Henriku VIII, shumë protestantë që ishin pjesë e oborrit mbretëror druheshin se në front do të ngjitej katolikja Meri Tudor, vajza më e madhe e mbijetuar e mbretit Henri.

Në fakt në vend të saj, vjehrri i Greit dhe regjenti i Eduardit, Xhon Dadlej, e vendosën Grein në fron. Megjithatë, pas 9 ditësh, Meri, së bashku me ushtrinë dhe përkrahësit e saj, e morën sërish fronin. Grej dhe burri i saj u burgosën, por Mbretëresha Mari u ofrua e gatshme t’i falte nëse ata konvertoheshin në katolicizëm pas disa kohësh. Por Grej dhe bashkëshorti i saj refuzuan ndaj u ekzekutuan me vdekje.

4. Presidenti i SHBA-së Uilliam Henri Harrison, 32 ditë

Uilliam Henri Harrison, është deri më sot presidenti amerikan me mandatin më të shkurtër, edhe pse mbajti fjalimin më të gjatë të inaugurimit në detyrë në historinë e SHBA-së, me plot 8.445 fjalë. Herrison këmbënguli që të mbante një fjalim të gjatë inaugurimi edhe pse atë ditë ishte shumë ftohtë dhe binte një shi i dendur.

Ai u ngjit në podium pa kapele dhe pallto. Pas fjalimit të tij, disa besojnë ai u sëmur nga pneumonia dhe vdiq vetëm pas 32 ditësh në detyrë. Megjithatë, të tjerë pretendojnë se Herrison vdiq për shkak të ujit të ndotur nga bakteret në Shtëpinë e Bardhë.

Përkthyer dhe përshtatur nga CNA.al