web counter
LEXO PA REKLAMA!

SHKARKO APP

App Store
Google Play

Zbutja e dënimit për autorin që i mori jetën efektivit/ Lamallari: Thellësisht shqetësues

10 Prill 2026, 12:15, Aktualitet CNA

Zbutja e dënimit për autorin që i mori jetën efektivit/

Ministri i Brendshëm, Besfort Lamallari, ka reaguar në lidhje me vendimin për zbutjen e dënimit të autorit të vrasjes së efektivit Novruz Cenalia.

Në reagimin e bërë, Lamallari shprehet se ky vendim është thellësisht shqetësues, duke e cilësuar vrasjen e efektivit si një sulm ndaj shtetit dhe rendit.

Më tej, Lamallari thotë se një vendim i tillë rrezikon të japë një mesazh të gabuar.

 

“Vendimi për zbutjen e dënimit ndaj autorit të vrasjes së një punonjësi të Policisë së Shtetit është thellësisht shqetësues. Edhe pse nuk jemi njohur ende me arsyetimin e plotë, vrasja e efektivit të ‘Shqiponjave’, Novruz Cenalia, ishte një sulm i hapur ndaj vetë shtetit dhe rendit ligjor. Një akt i tillë nuk lëndon vetëm familjen e të ndjerit dhe dekurajon kolegët në uniformë, por rrezikon të japë një mesazh të gabuar për këdo që guxon t’i kundërvihet ligjit dhe shtetit të së drejtës. Respektojmë pavarësinë e Gjyqësorit, por presim që drejtësia të jetë e fortë dhe në lartësinë e përgjegjësisë që ka ndaj qytetarëve dhe ndaj atyre që mbrojnë rendin çdo ditë”, shkruan Lamallari.

 

Kujtojmë se ditën e djeshme, Gjykata e Apelit dënoi me 35 vite burg Azgan Mërnicën, autorin e dyshuar të vrasjes së efektivit Novruz Cenalia.

Gjykata e Fierit e kishte dënuar me burgim të përjetshëm, i akuzuar për vrasjen e punonjësit të policisë, armëmbajtje pa leje dhe drejtim automjeti në mënyrë të parregult.

Kujtojmë se në maj të vitit 2024, Azgan Mërnica qëlloi për vdekje efektivin 28-vjeçar Novruz Cenalia, pasi ky i fundit i tërhoqi vëmendjen për drejtimin e automjetit me shpejtësi të lartë. Ngjarje e ndodhur në fshatin Baltëz të Fierit./CNA





Lajmet e fundit nga