Nisma e Sokol Sadushit/ Klodiana Lala: Përpjekje përfitimi nga ndryshimi i paraburgimit për zyrtarët

9 Prill 2026, 22:06, Aktualitet CNA

Nisma e Sokol Sadushit/ Klodiana Lala: Përpjekje përfitimi nga

Gazetarja Klodiana Lala u ndal gjerësisht në një analizë lidhur me seancën e sotme të Kolegjeve të Bashkuara.

E ftuar në emisionin “Të paekspozuarit”, Lala u shpreh se mazhonraca është kujtuar pas rreth 14 vitesh për paraburgimin, duke e shfaqur tanimë si problem të madh, ndërsa për vite me radhë ka kriminalizuar ndërtimet pa leje apo veprimet me energjinë elektrike.

Lala theksoi se në thelb, duket si përpjekje që nga njësimi i praktikës së paraburgimit të përfitojnë zyrtarët e lartë të rëndësishëm, pasi fokusi u vu te personaliteti i të dyshuarve dhe jo te vepra.

"Kohëzgjatja e paraburgimit ka qenë ndër problemet shqetësuese të prokurorisë dhe gjykatave. Kemi marrë kritika nga organizmat ndërkombëtarë për masën "arrest me burg". Me ardhjen në pushtet të socialistëve, pati disa nisma për energjinë elektrike, ndërtimet pa leje e me rradhë, të cilat kriminalizuan të gjithë shoqërinë dhe të gjihë të shkojnë në burg.

Jemi 14 vjet më vonë dhe janë kujtuar që paraburgimi qenka problem i madh. Ky problem ka ekzistuar. Nisma e zotit Sadushi, në GJL ka mbërritur kërkesë nga një shtetas i dënuar për kanabis. U caktua masa arrest me burg. Me ankimin e personit, Apeli zbuti masën në arrest shtëpie dhe kundër kësaj ka dalë prokurori që i është drejtuar me rekurs GJL, duke thënë se vepra penale që dyshohet personi ka marzh të lartë dënimi e me rradhë. Ka kërkuar që shtetasi në fjalë, duhet të kthehej në paraburgim. Personi në fjalë pretedon se masa ndaj tij është arbitrare dhe ka ngritur pretendimet.

Në thelb, çfarë u diskutua sot në Kolegjet e Bashkuara? Çështja kryesore për ti dhënë zgjidhje, gjykata duhet të arsyetojë që masa e arrestit është e përshtatshme për një person, apo të arsyetojë përse masat e tjera alternative, nuk duhet të caktohen.

Vetëm pasi të ketë arsyetuar këtë, duhet të arsyetojë pse masa drastike e arrestit në burg, është e përshtatshme.

E dyta, rrezikshmëria e veprës dhe personit. Sipas Kolegjeve të Bashkuara të GJL, duhet të prevalojë rrezikshmëria e veprës apo e personit?

Avokati tha marrim të mirëqenë që një intelektual, apo person i shkolluar, gabon në një moment të caktuar, duhet që ta lëmë në burg, apo gjykata të arsyetojë statusin social, veprën penale, kontributin në shoqëri? Ndërkohë, prokuroria e përgjitshme, në fjalë të thjeshta tha, është e domosdoshme të njëhësohet praktika gjyqësore, por në realitetin shqiptar masat alternative të sigurisë nuk zbatohen. Atëherë cili është garanti që masat të zbatohen? Në thelb duket si përpjekje që nga ky njësim i praktikës të përfitojnë zyrtarët e lartë të rëndësishëm, pasi fokusi u vu te personaliteti i të dyshuarit dhe jo te vepra",-tha Lala./CNA