web counter
LEXO PA REKLAMA!

SHKARKO APP

App Store
Google Play

E fundit!

x

"Sektori i ndërtimit ka transformuar Shqipërinë"/ Rama: E papranueshme që e lidhin me krimin

9 Prill 2026, 14:00, Aktualitet CNA

"Sektori i ndërtimit ka transformuar Shqipërinë"/ Rama:

Kryeministri Edi Rama ka marrë pjesë sot në një bashkëbisedim për pagat, punësimin dhe sektorët që ndihmojnë në rritjen e ekonomisë shqiptare.

Rama u shpreh se sektori i ndërtimit ka sjellë një transformim të Shqipërisë, ndërsa shtoi se ekzistojnë po ashtu probleme dhe mangësi të tij.

Ndër të tjera tha se është e papranueshme që sektori i ndërtimit pavarësisht problemeve që “ka të futet në kornizën e krimit dhe ndaj tij të hidhet baltë”.

“Sot ka një bilanc rritjeje të qëndrueshëm. Ka vende pune të cilat paguhen njësoj si në Europë. I gjithë ky realitet transformues edhe në sektorin e ndërtimit mbështet rritjen e vet edhe tek ekonomia që rritet. Për fat të keq si çdo gjë në këtë vend që sulmohet kur shfaqet me sukses, që goditet kur del si ndryshim, është një sektor që merr në mënyrë të vazhdueshme goditje dhe sulme. Lëndon një numër të madh protagonistësh të tij. Edhe në sektorin e ndërtimit, si në çdo vend tjetër, përfshirë dhe vendet që na bëjnë leksion neve, ka probleme. Në Shqipëri problemet janë më të mprehta. Jo çdo gjë në sektorin e ndërtimit është e pastër dhe e qartë, por që këtë sukses dhe transformim të Shqipërisë që ky sektor e bën të dukshëm, ta fusim në kornizën e krimit është diçka e neveritshme dhe e papranueshme. Ka shumë arsye pse Shqipëria mund të bëjë ndërtime të tilla. Është e pamundur që disa ta pranojnë suksesin e Shqipërisë, por është e pamundur për ne të pranojmë se shumica e atyre që investojnë në ndërtim të futen në kthesën e baltës”, tha Rama. /CNA





Lajmet e fundit nga