web counter
LEXO PA REKLAMA!

SHKARKO APP

App Store
Google Play

E fundit!

x

Kushtetuesja rrëzoi kërkesën e opozitës/ Ivi Kaso: Precedent i rrezikshëm për shtetin ligjor

20 Dhjetor 2023, 18:02, Aktualitet CNA

Kushtetuesja rrëzoi kërkesën e opozitës/ Ivi Kaso: Precedent

Përfaqësuesi ligjor i PD-së, Ivi Kaso ka reaguar për vendimin e Gjykatës Kushtetuese, e cila ka rrëzuar kërkesën e deputetëve të opozitës për pezullimin e arrestimit të ish-kryeministrit.

Kaso në reagimin e tij e cilëson si një precedent të rrezikshëm për shtetin ligjor vendimin, i cili konfirmon dhe dy qëndrimet e forta të Berishës.

Sipas përfaqësuesit ligjor të PD-së, pasi ka ndryshuar jurisprudencën e saj mbi legjitimitetin e pakushtëzuar të 1/5 të deputetëve të Kuvendit për të verifikuar jo vetëm konfliktin e kompetencave por edhe kontrollin abstrakt të normës kushtetuese ajo i hap rrugën marrjes së çdo kompetence të Kuvendit nga Qeveria.

“Gjykata Kushtetuese me këtë vendim të çuditshëm ka hedhur një precedent të rrezikshëm për shtetin ligjor.

Pasi ka ndryshuar jurisprudencën e saj ( dhjetra vendime) mbi legjitimitetin e pakushtëzuar të 1/5 të deputetëve të Kuvendit për të verifikuar jo vetëm konfliktin e kompetencave por edhe kontrollin abstrakt të normës kushtetuese ajo i hap rrugën marrjes së çdo kompetence të Kuvendit nga Qeveria, meqë bëhet fjalë për të njëjtën maxhorancë.

Kush mund ta verifikojë, bie fjala, konfliktin e kompetencave përsa i përket funksionit ligjvënës të Kuvendit? Po nëse këtë vendos ta bëjë Qeveria nga nesër duke i quajtur VKM ligje?? Duhet që Kuvendi me maxhorancën e Ramës të çojë në Kushtetuese vendimet/ ligjet e Qeverisë Rama? Nga ana tjetër  Gj.K sot ka konfirmuar 2 qëndrimet e forta të Sali Berishës:

- Marrja e kompetencave të Kuvendit nga SPAK/ GJKKO është antikushtetuese- Gj.K e kaloi çështjen nga verifikimi paraprak për shqyrtim në mbledhjen e gjyqtarëve- dmth çështja ka materie kushtetuese!

- Kërkesa nuk bëhet për rastin tim personal (S.Berishës)- Gj.K tha sot që halli qenka i Kuvendit që i janë marrë kompetencat!!”, shkruan Kaso./ CNA





Lajmet e fundit nga