web counter
LEXO PA REKLAMA!

SHKARKO APP

App Store
Google Play

Veliaj, në Katedralen e Shën Palit/ "Së shpejti përfundon Kisha Katolike, do të nisë rindërtimi i Kishës së Shën Prokopit"

9 Prill 2023, 13:44, Aktualitet CNA
Veliaj, në Katedralen e Shën Palit/ "Së shpejti
Foto ilustruese

Kryetari i Bashkisë, Erion Veliaj, ka uruar besimtarët katolikë për Pashkët nga Katedralja e Shën Palit në Tiranë.

Teksa përcolli mesazhet për më shumë paqe dhe mirësi, bëri me dije se së shpejti përfundon Kisha e re katolike dhe do të nisë rindërtimi i Kishës së Shën Prokopit.

“Dua t‘i falënderoj të gjithë, nga famulltari më modest te pastori më periferik në qarkun e madh të Tiranës, që shërben me dinjitet, sepse detyrat duhet t’i ndajmë si përgjegjësi. Disa kanë detyrë të merren me institucionet civile, kopshte, shkollat, çerdhet, por unë besoj se më shumë se kurrë vendi ynë ka nevojë edhe për infrastrukturë shpirtërore, që s’e bën dot bashkia.

Këtë duhet ta bëjnë patjetër imamët, priftërinjtë, misionarët dhe për këtë jam vërtet mirënjohës. Qyteti ynë nuk është perfekt, por falë këtij bashkëpunimi e kësaj harmonie është pak më i mirë se ç’ishte. Kur mendoj se kemi kaluar situata shumë të vështira, me pandeminë dhe tërmetin, ndarja e barrës e ka bërë qytetin më të njerëzishëm, më të dashur.

Po mbaron Kisha e Re te Rruga e Kavajës. Për ne që jemi rritur në Tiranë e kemi njohur si një palestër, sepse gjatë kohës së komunizmit, Maks Velo arriti të paktën ta mbronte Kishën, por ajo kurrë nuk përfundoi në tërësinë e saj dhe më vjen mirë që, edhe Këmbanorja, edhe Kisha, do jetë një bizhu për Rrugën e Kavajës. Kemi një lajm të mirë edhe për besimtarët ortodoksë, teksa afron Pashka e tyre.

Ne do hedhim themelet për Kishën e Shën Prokopit. Për shumë njerëz që nuk e dinë, në fakt liqeni nuk ka qenë siç është sot, pemët nuk kanë qenë aty. Ka qenë një kodër e zhveshur që njihej si kodra e Shën Prokopit dhe kafja ose bar-bufeja e realizmit socialist në majë të Kodrës në fakt, ka qenë Kisha e Shën Prokopit. U bë një bar-bufe gjatë kohës së komunizmit, me pas u rikthye si Kishë, por ka ngelur ende në atë ndërtesën e stilit të realizmit socialist. Ajo do të shembet për te rikthyer kishën e Shën Prokopit,” deklaroi Veliaj./ CNA.al





Lajmet e fundit nga