web counter
LEXO PA REKLAMA!

SHKARKO APP

App Store
Google Play

Kur polici është me Rilindjen/ “Favori” që përfitoi gazetari në Lushnjë

7 Prill 2023, 15:24, Aktualitet CNA
Kur polici është me Rilindjen/ “Favori” që
Gazetari Agim Xhafka

Gazetari Agim Xhafka ka treguar historinë me një polic të Rilindjes, që i ka ndodhur afër Lushnjes.

Xhafka thotë se policia e ndaloi me 100 kilometra në orë dhe ai i kishte nxjerrë pretekstin se po shkonte për intervistë në televizionin “Klan”.

Gazetari deklaron se efektivi nisi t’i verë gjobë, por sapo i tha që kishte kaluar nga PD-ja në PS ai e la të lirë dhe e këshilloi të ikë me 120 kilometra në orë që të kapte në kohë intervistën.

Historia e Agim Xhafkës:

Më ndali polici afër Lushnjës.

- Je me 100 kilometra në orë, - tha e nxori bllokun e gjobave.

- E di, e di, por e kam me ngut. Po shkoj te televizioni “Klan”. Do dal në lajme andaj.

- E pse kështu? - nisi të tallej ai.

- Po ja, kam ikur nga Foltorja e do kaloj me PS-në, - i thashë.

E pashë u bë serioz. Më pa me fouristradë dhe e hëngri. Atëherë i dhashë goditjen e fundit.

- I kap dot lajmet e orës 15 e 30?

- Me 100 jo, por me 120 kilometra në orë besoj se arrin në kohë.

- Atëherë po iki, - i thashë.

- Jepi gaz e na ndero vëlla, - më tha./ CNA.al





Lajmet e fundit nga