web counter
LEXO PA REKLAMA!

SHKARKO APP

App Store
Google Play

"Veliaj krijoi fabulën e liderit, por s'kishte diskurs"/ Haxhiu: Rama projektoi momentin për ta larguar nga PS-ja

23 Shtator 2025, 22:29, Aktualitet CNA

"Veliaj krijoi fabulën e liderit, por s'kishte diskurs"/

Analisti Baton Haxhiu, i ftuar në emisionin “Opinion” me gazetarin Blendi Fevziu tha se ky ishte një projektim i kryeministrit Edi Rama për ta larguar Veliajn nga Partia Socialiste.

Haxhiu tha se ata që mund t’i prishnin harmoninë në PS sot njëri është në ekzil, referuar ish-zv.kryeministrit Arben Ahmetaj dhe tjetri në burg referuar Veliajt.

Analisti tha se Edi Rama e pati mundësinë ta shpëtonte Veliajn nga iluzioni për kryeministër në vitin 2019 kur e kandidoi sërish për mandatin e dytë në krye të bashkisë.

Haxhiu tha se rikandidimi i Veliajt në vitin 2019 ishte gabim strategjik i Ramës, pasi Veliaj nuk ka fuqi në PS vetëm fuqi përmes oligarkëve.

 

"Ata që mund të prishnin harmoninë e Partisë Socialiste, njëri është në ekzil tjetri në burg. Rama ka projektuar momentin e duhur për ta larguar Erion Veliajn nga Partia Socialiste.

Në dallim nga Rama që ka pushtetin mbi individët dhe partinë, Veliaj ka pasur pushtetin e oligarkëve e ka ndërtuar fabulën si lider, por s’kishte diskurs.

Veliaj nuk ka kuptuar politkën dhe ka shpresuar se Rama nuk do ta kandidonte për mandatin e tretë.

Gabimi i Ramës dhe Veliajt është që ai kandidoi në mandatin e dytë, i Velijat ka qenë gabim politik, i Ramës strategjik.

Edi Rama e pati mundësinë ta shpëtonte Erion Veliajn nga iluzioni për kryeministër", tha Haxhiu./CNA

 

 

 

 

 

 

 





Lajmet e fundit nga