E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Vazhdojnë largimet masive/ “DigitAlb” mbyll “SuperSport”-in

22 Gusht 2024, 10:11, Aktualitet CNA

Vazhdojnë largimet masive/ “DigitAlb” mbyll

Foto ilustruese

Këtë të enjte është mbyllur faqja e “SuperSport”-it në Shqipëri.

CNA ka konstatuar se website “Supersport.al” nuk funksionon. Nëse klikon në këtë faqe website, linku të dërgon automatikisht në kategorinë sport të faqes online të “Top Channel”.

Faqja e "SuperSport" në "Google"

Edhe në Kosovë raportohet se është mbyllur “SuperSport”, pasi kompania “DigitAlb” ka mbyllur zyrën.

Faqja ku të dërgon automatikisht linku i "SuperSport"

Ishte komentatori sportiv, Arbër Avdyli, ai i cili e konfirmoi këtë lajm përmes një postimi në rrjetet sociale.

“Mbyllet aventura ime në ‘SuperSport Kosova’. Fatkeqësisht ‘DigitaAlb’ ka vendosur të mbyllë zyrën e saj në Prishtinë pas 14 viteve ekzistencë. 14 stinorë me komentime, intervista, kronika, emisione e momente të jashtëzakonshme kemi kaluar bashkë me shikuesit tanë të shumtë unë dhe kolegët e mi. Premier League, Super Ligën e Kosovës, ndeshjet e Kombëtares së Kosovës e shumë liga të tjera i kemi sjellë në mënyrë unike për shikuesit e shumtë të ‘SuperSport Kosovës’ që nuk ishin pa më herët në botën e sportit në Kosovë duke bërë një revolucion të vërtetë”, ka shkruar Avdyli ndër të tjera.

Mbyllja e faqes në Shqipëri dhe zyrës në Kosovë vjen pas raportimeve të CNA-së për largime masive nga puna në “DigitAlb”.

“Plas” në "DigitAlb"/ Fillojnë pushimet masive nga puna
10 Gusht, 16:39

Janë me dhjetëra punonjës, montazhierë, teknikë transmetimi, regjisorë, të cilët janë pushuar nga puna. Largimet masive po vijojnë ende në “DigitAlb”.

Gjithashtu, CNA ka raportuar disa herë nga burime konfidenciale se kompania “DigitAlb” është e zhytur në borxhe me rreth 30 milionë euro ndaj palëve të treta.

“DigitAlb” është në një vështirësi të madhe financiare dhe po bën negociata për shitjen e aksioneve./ CNA

Vazhdojnë largimet masive/ “DigitAlb” mbyll