web counter
LEXO PA REKLAMA!

SHKARKO APP

App Store
Google Play

U procedua për protestën, ndërsa ishte në SHBA/ Këlliçi: Ishte me urdhër politik

12 Shkurt 2026, 21:17, Aktualitet CNA

U procedua për protestën, ndërsa ishte në SHBA/

Deputeti i Partisë Demokratike, Belind Këlliçi ka folur mbrëmjen e sotme, lidhur me procedimin nga policia për protestën, pa qenë fizikisht në protestë.

Në një dalje televizive, Këlliçi e cilësoi se ajo që e bën gjithçka më të paimagjinueshme është se policia nuk del në një deklaratë të thotë se është lapsus. Ndër të tjera shtoi se policia në këtë rast ka vepruar me urdhër politik.

“Për të qenë në opozitë, duhet të bësh shumë llogari, në raport me mediat e pushtetit dhe me sulmet që do të vijnë. Por të arrihet deri në këtë lloj banaliteti nuk e kisha imagjinuar. Kam parë dhe reagimet të nesërmen. Është e paimagjinueshme që as nuk tërhiqen apo të thonë se është lapsus. Unë jam larguar për në SHBA, para se të vendosej dhe data e protestës. Këto mund të verifikohen fare thjesht përmes sistemit TIMS. Në fakt e kisha peng që nuk isha në protestë por kam qenë pranë qytetarëve dhe anëtarëve të PD-së, kam dhënë intervista, kam bërë thirrje publike për pjesëmarrje. Por këto janë aktivitet politik normal, nuk kanë të bëjnë me nxitje dhune apo shkelje ligjore. Këtë aktivitet e kam bërë prej 13 vitesh. I ftoj që këtë dosje ta bëjnë publike, ta çojnë në SPAK dhe të vijë çdo zyrtar policie që ka qoftë edhe një indicie ndaj meje. Nëse këta individë godasin politikisht, nuk më zmbrapsin. Ndërkohë më datë 20 do më kenë në rresht të parë të protestës. Është qesharak niveli i mediokritetit të kësaj mazhorance por edhe të këtyre institucioneve që janë gati të godasin këdo që kanë një zë kundër qeverisë. Patjetër që policia ka marrë urdhër për procedimin tim”, u shpreh Këlliçi. /CNA





Lajmet e fundit nga