web counter
LEXO PA REKLAMA!

SHKARKO APP

App Store
Google Play

Kryeministri mund të rrëzohet nga brenda PS?/ Ja si përgjigjet gazetari Klodian Tomorri

12 Shkurt 2026, 20:14, Aktualitet CNA

Kryeministri mund të rrëzohet nga brenda PS?/ Ja si përgjigjet

Gazetari Klodian Tomorri deklaron se kryeministri Edi Rama nuk ka rrezik nga brenda grupit parlamentar të Partisë Socialiste. Sipas tij, shumica e deputetëve janë “ushtarë të bindur” dhe nuk guxojnë të sfidojnë Ramën.

Tomorri thekson se, pavarësisht rivaliteteve të brendshme, pushteti i mban të bashkuar deputetët. Ai shton se në Shqipëri nuk duket e mundur që një kryeministër të rrëzohet nga brenda mazhorancës, siç ndodh në vende të tjera të zhvilluara si Britania apo Italia.

Deklaratat vijnë ndërsa debatet për stabilitetin politik të shumicës vazhdojnë.

“Nuk mendoj që Edi Ramës do t'i vijë e keqja nga Zeqineja, Sara Mila apo të gjithë grupi parlamentar i Partisë Socialiste. Ata janë disa ushtarë, të gjithë, në pjesën dërrmuese janë ushtarë të bindur... Nuk ka nga ata që guxojnë të ngrenë krye ndaj Edi Ramës dhe ka diçka që i mban ata bashkë, pavarësisht inateve që mund të kenë me njëri-tjetrin dhe që i kanë shumë të mëdha, sigurisht. Është pushteti që i mban bashkë. Ata e dinë që në çastin që do goditet Rama, ata mbarojnë të gjithë pastaj dhe do jenë efekt domino. Prandaj unë nuk jam aq optimist të besoj që në Shqipëri ka ardhur më në fund momenti që kryeministrat mund të rrëzohen edhe nga brenda mazhorancës, siç ndodh rëndom në Britani, apo në Itali apo në vendet e zhvilluara”, tha gazetari Klodian Tomorri./ CNA





Lajmet e fundit nga