web counter
LEXO PA REKLAMA!

SHKARKO APP

App Store
Google Play

“Mishërimi i killerave mediatikë”/ Këlliçi: Sot u arrestua një gazetar gjobaxhi

12 Shkurt 2026, 18:47, Aktualitet CNA

Deputeti i PD-së Belind Këlliçi në emisionin Task Forcë ka reaguar në lidhje me arrestimin e gazetarit gjobaxhi Elio Lazes dhe akuzat që janë bërë ndaj tij nga mediat që sipas tij financohen nga qeveria.

Këlliçi thekson se sot është arrestuar një gjobaxhi, ndërsa nënvizon se portale të periferike si të pseudogazetarit Elio Laze janë mishërim i gjobëvënies dhe killerave mediatikë.

“Është një çmenduri. Jetojmë në një vend absurd, ku është fare e lehtë të shohësh dhe vërtetosh mënyrën se si funksionon. Portalet dhe mediumet që financohen nga qeveria apo që marrin para publike apo që mbrojnë korrupsionin dhe është çmenduri që sot edhe pas një aksioni policor që ka ndodhur me një gjobaxhi siç ishte rasti i administratorit të një portal periferik siç Priza.al.

Në këtë rast edhe kur është bërë e ditur që ka patur një hetim serioz nga Prokuroria e Tiranës, ka patur dhe një operacion dhe është arrestuar në flagrancë për gjobëvënie, për kanosje dhe shtrëngim një i pretenduar gazetar për akuza të rreme që e pranon dhe vetë dhe do dalin gjithë të vërtetat që janë akuza të rreme dhe janë tërësisht politike, sërish ti sheh linjën e portaleve të financuara nga mazhoranca, qeveria që vazhdojnë me fake news të njëjta.

Brenda 24 orëve ,mund të jem rast unikal, që kaloj nga një individ që hetohem procedohem në mungesë nga policia e shtetit ndërkohë që jam përtej oqeanit për organizimin e dhunës në protestën e datës 10 shkurt ndërkohë s’kam qenë fare fizikisht policia më ngre akuzë dhe më vë në hetim brenda 24 orësh sheh portalet e qeverisë që thonë se policia e shtetit është mburojë e imja për biznese të miat që unë qarkulloj.

Ku ndërkohë këto janë akuza nga më të çmendurat, më halucinantet që kam dëgjuar. Nuk ka më limit përsa i përket lincimit, baltosjes së dikujt nga çdo njeri që mund të ketë një portal apo një media.

Do duhet të reflektojmë të gjithë për këtë dëm që i shkaktohet imazhit apo reputacionit të kujtdo, mund të jesh një politikan, një figurë publike nga cdo njeri që sot mund të ketë një zë publik dhe mund të ketë një portal në dorë. Mua më intereson të dalë e vërteta për rastin e gjobaxhiut që është arrestuar sot.

Edhe kur e di se je duke shpifur dhe e pranon vetë që je duke shpifur sërish e përdor si një mjet shtrëngimi atë portal që ke për të vjelur para, për të vendosur gjoba dhe për të goditur imazhin e  dikujt tjetër apo për të shpifur për dike tjetër për llogari të njerëzve që janë në burg për korrupsion si rasti i Veliajt.

Unë do i shkoj deri në fund rasteve të tilla sic ka qenë rasti i Carlo Bollinos dhe mediave të tilla që janë mishërimi më i mirë i gjobëvënies dhe killerave mediatikë”, tha Këlliçi. /CNA





Lajmet e fundit nga