web counter
LEXO PA REKLAMA!

SHKARKO APP

App Store
Google Play

Trafiku në aksin Tiranë-Elbasan/ Këlliçi: Radhët kilometrike që denoncojnë korrupsionin qeveritar

19 Maj 2026, 18:13, Aktualitet CNA

Trafiku në aksin Tiranë-Elbasan/ Këlliçi: Radhët

Deputeti i PD-së Belind Këlliçi ka reaguar në lidhje me trafikun dhe bllokimin e automjeteve në aksin Tiranë-Elbasan pasditen e sotme.

Këlliçi përmes një postimi në rrjetet sociale, ka theksuar se radhët kilometrike denoncojnë korrupsionin qeveritar.

“Radhët e përditshme kilometrike që denoncojnë korrupsionin qeveritar!

Radhë kilometrike duke dalë nga Tirana. Radhë kilometrike për të hyrë në Elbasan. Radhë kilometrike për të kaluar Lezhën. Radhë kilometrike në fundjavë. Radhë kilometrike në ditë të zakonshme jave.

Ky është ferri që kalojnë qytetarët prej 13 vitesh me radhë edhe pse rreth 4 miliardë euro kanë shkuar vetëm për rrugët që kur Edi Rama nisi qeverisjen e deri më sot.

Çdo vit është rritur buxheti për rrugët, çdo vit Edi Rama dhe Belinda Balluku kanë shtuar qokat dhe pasurimin e tyre.

Nuk ka nevojë të jesh specialist për të llogaritur se me kaq shumë para të buxhetit të shtetit do të ishin ndërtuar rreth 400 kilometra autostradë e kategorisë A, që për Shqipërinë tonë të vogël do të mjaftonin për të zgjidhur një herë e mirë problemin e infrastrukturës.

Por taksat e qytetarëve janë vjedhur. Ndaj kilometri ka shkuar deri në 20 milionë euro, ndaj dhe janë ndërtuar rrugë të kushtueshme, të panevojshme dhe që kanë rënë 1 muaj pas inaugurimit.

Fotot që vijnë sot nga tortura e qytetarëve të mbërthyer si në çark, në dalje të tunelit të Elbasanit për më shumë se 2 orë, janë dëshmia e korrupsionit të lartë dhe e qeverisjes së keqe.

Edi Rama mund të jetë duke dhënë leksione në Azi për demokracinë, por rrethrrotullimi i Bradasheshit është çjerrja e propagandës, e fasadës e hipokrizisë së një Kryeministri të zhytur në afera, i cili nuk ofron zgjidhje por tallje për qytetarët.

Ka vetëm një mënyrë për të dalë nga ky rrethim, nga kjo përndjekje.

Largimi i Edi Ramës!”, shkruan Këlliçi./ CNA





Lajmet e fundit nga