web counter
LEXO PA REKLAMA!

SHKARKO APP

App Store
Google Play

Nis rrugëtimin podcast-i “Ndryshe, por bashkë”/ Zelaj: Neurodivergjencat nuk vijnë pa sfida

19 Maj 2026, 17:17, Aktualitet CNA

Këtë të martë ka nisur në CNA TV rrugëtimi i podcast-it “Ndryshe, por bashkë” i terapistes, Debora Zelaj.

“Ndryshe, por bashkë” është një podcast i lindur nga një rrugëtim personal dhe profesional i ndërtuar përmes viteve të punës me fëmijë dhe familje që përballen me sfida të zhvillimit neurodivergjent.

Zelaj ka theksuar se ky projekt synon të sjellë më afër historitë reale të prindërve, fëmijëve dhe profesionistëve, duke krijuar një hapësirë ndërgjegjësimi, pranimi dhe mbështetjeje.

“Mendoni sa e varfër do të ishte bota nëse ne të gjithë do të mendonim njësoj. Duhet të pranojmë se neurodivergjencat nuk vijnë pa sfida”.

Terapistja Debora Zelaj ka theksuar se fëmijët me aftësi të veçanta nuk kanë nevojë të rregullohen por shoqëria duhet të bëhet më mbështetëse dhe tu japin mundësi të shprehen siç ata duan.

“Mesazhi është që këta persona nuk kanë nevojë të rregullohen por shoqëria duhet të bëhet më mbështetëse, duhet tu japin mundësi të flasin”.

Ndër të tjera terapistja Zelaj ka folur për autizmin.

“Autizmi është një mënyrë ndryshe se si truri i një personi zhvillohet. Shpesh përdoret fjala spektër se personat me autizëm nuk janë të njëjtë. Shfaqet në mënyra të ndryshme nga një person në një tjetër”, tha terapistja Zelaj./ CNA

 Podcastin mund ta ndiqni live në CNA TV dhe në Youtube (Klikoni ketu)





Lajmet e fundit nga