web counter
LEXO PA REKLAMA!

SHKARKO APP

App Store
Google Play

Dëmtuan lumin Vjosë/ Gjykata e Fierit shpall fajtor një subjekt dhe administratorin e tij

19 Maj 2026, 11:10, Aktualitet CNA

Dëmtuan lumin Vjosë/ Gjykata e Fierit shpall fajtor një subjekt

Prokuroria e Fierit ka mbyllur hetimet dhe ka dërguar për gjykim një subjekt dhe administratorin e saj, të akuzuar për dëmtim të zonave të mbrojtura.

Nga hetimet rezultoi se subjekti kryente veprime të paligjshme përgjatë lumit Vjosë, i cili ka status të veçantë si zonë e mbrojtur.

Konkretisht në lumin Vjosë merreshin, përpunoheshin dhe transportoheshin inerte.

 

 

Njoftimi i prokurorisë

 

Dëmtuan zonën e mbrojtur mjedisore me status të veçantë ‘Park Natyror’ në Lumin e Vjosës, me kërkesë të Prokurorisë Fier dënohen subjekti P.V. shpk dhe administratori

Prokuroria pranë Gjykatës së Shkallës së Parë të Juridiksionit të Përgjithshëm Fier përfundoi hetimet dhe dërgon në gjyq subjektin “P V” sh.p.k., si dhe të administratorit të saj shtetasit B. A.  nën akuzë për kryerjen e veprës penale “Dëmtimi i habitateve në zonat e mbrojtura mjedisore”, parashikuar nga neni 202/b i Kodit Penal.

Nga hetimet u provua kryerja e veprimtarisë të paligjshme, e cila konsistonte në marrjen, nxjerrjen, përpunimin dhe transportimin e inerteve përgjatë lumit Vjosë, veprime këto që kishin sjellë si pasojë dëmtimin e habitatit natyror të zonës së mbrojtur mjedisore me status të veçantë “Park Natyror”. Zona ku janë marrë inertet është nënzonë qëndrore, që gëzon shkallën më të lartë të mbrojtjes (zonë atrikte).në të cilën nuk lejohet zhvillimi i asnjë lloj veprimtarie ekonomike.

Prokuroria pranë Gjykatës së Shkallës së Parë të Juridiksionit të Përgjithshëm Fier, provoi se shoqëria “P V” sh.p.k., ka shkaktuar përkeqësim të rëndë të habitatit që ndodhet brenda zonës së mbrojtur mjedisore, duke sjellë si pasojë dëmtim të konsiderueshëm të saj, përmes shfrytëzimit të tokës me teknologji intensive, mjete dhe mënyra që shkaktojnë ndryshime rrënjësore në biodiversitet, në strukturën dhe funksionet e ekosistemeve, si dhe që dëmtojnë në mënyrë të pandreqshme sipërfaqen e tokës përgjatë lumit Vjosë.

Në përfundim të shqyrtimit gjyqësor, gjykata deklaroi fajtor personin juridik, shoqërinë “P V” sh.p.k., si dhe administratorin e saj, shtetasin B. A., për kryerjen e veprës penale “Dëmtimi i habitateve në zonat e mbrojtura mjedisore”, parashikuar nga neni 202/b i Kodit Penal.

Prokuroria Fier mbetet e angazhuar të hetimet me fokus të veçantë në luftën kundër veprave penale mjedisore, duke ndjekur me përparësi çdo rast që cenon mjedisin, biodiversitetin dhe zonat e mbrojtura natyrore.





Lajmet e fundit nga