web counter
LEXO PA REKLAMA!

SHKARKO APP

App Store
Google Play

“Ishte braktisur nga prindërit”/ Terapistja tregon rastin e fëmijës që sfidoi autizmin dhe sindromën Down

19 Maj 2026, 17:36, Aktualitet CNA

Terapistja Debora Zelaj ka rrëfyer në podcastin “Ndryshe, por bashkë” në CNA TV një nga rastet më të veçanta në karrierën e saj.

Zelaj ka treguar rastin e një fëmije me sindromën Down dhe me Autizëm, i cili pas lindjes ishte braktisur nga prindërit biologjikë dhe asnjë nga kolegët e saj nuk pranonte të punonte me të.

Terapistja ka shprehur në podcastin "Ndryshe, por Bashkë" në CNA TV se, fëmija kishte vështirësi të shumta motore, kishte sjellje agresive por gjatë punës me të, sukseset me këtë rast nuk ishin të vogla.

Terapistja tregoi se, arritjet në këtë rast ishin të mëdha pasi fëmija kishte mësuar të pinte vetë, të kërcente, të qeshte.

“Një rast të cilin do të doja ta veçoja ishte rasti i një fëmije me sindromën Down dhe Autizëm, i cili pas lindjes ishte braktisur nga prindërit e tij biologjik. Me vështirësi të shumta motore jo verbal, me sjellje agresive dhe askush nga kolegët nuk pranonte të punonte me të. Mëdyshjet e mia të para ishin se çfarë do arrija unë t’i mësoja këtij fëmije me dy orë në javë terapi. Por sukseset nuk ishin të vogla. Ai mësoi të thoshte fjalët e para, mësoi të pinte vetë me gotë, të kërcente dhe vinte i qeshur. Çdo arritje e vogël është një sukses shumë i madh”, rrëfeu terapistja Debora Zelaj./ CNA

Podcastin mund ta ndiqni live në CNA TV dhe në Youtube (Klikoni ketu)

 





Lajmet e fundit nga