web counter
LEXO PA REKLAMA!

SHKARKO APP

App Store
Google Play

E fundit!

x

Tjetër skandal, 52 kg luleshtrydhe me pesticide/ AKU: E gjithë sasia e shitur

4 Prill 2025, 16:15, Aktualitet CNA

Tjetër skandal, 52 kg luleshtrydhe me pesticide/ AKU: E gjithë sasia e

Pas skandalit me salmonelën në mishin e pulës, është publikuar një tjetër rast me rrezik për konsumatorët.

Tri ngarkesa me 52 kilogramë luleshtrydhe të importuara nga Greqia kanë rezultuar me pesticide të rrezikshme.  

Në lidhje me rastin, ka reaguar Autoriteti Kombëtar i Ushqimit, i cili bën me dije se më 17 shkurt 2025 ngarkesa iu nënshtrua analizave laboratorike.

Më pas u urdhërua tërheqja nga tregu e luleshtrydheve, pasi e gjithë sasia rezultonte e shitur.

“Lidhur me rastin e produktit Luleshtrydhe të një sasie prej 52 kg, të importuar nga Shteti i Greqisë, AKU në bazë të Planit të Monitorimit me Bazë Risku zbatoi procedurën e dërgimit në datën 17 shkurt 2025 për analizim laboratorik dhe pas daljes së rezultatit u angazhua nëpërmjet sistemit të gjurmueshmërisë për mbledhjen dhe tërheqjen nga tregu të kësaj sasie luleshtydhe. Në bazë të faturave të shitjes të paraqitura nga Operatori i Biznesit Ushqimor e gjithë sasia rezultonte e shitur”, thuhet në njoftimin e AKU-së.

 

Më tej AKU njofton gjithashtu se se janë njoftuar të gjitha Pikat e Inspektimit Kufitar të bllokojnë në kufi çdo ngarkesë me luleshtrydhe të ardhur nga Greqia.

“Për këtë, është komunikuar me të gjitha Pikat e Inspektimit Kufitar, për mostrimin e 10 ngarkesave të njëpasnjëshme dhe bllokimin në kufi të cdo ngarkese me luleshtrydhe, deri në daljen e përgjigjes së analizave të çdo mostrimi për produktin që mund të vijojë të importohet nga Greqia”, njofton AKU./ CNA





Lajmet e fundit nga