web counter
LEXO PA REKLAMA!

SHKARKO APP

App Store
Google Play

E fundit!

x

Ceremonitë religjioze/ Komunitetet fetare japin vlerësime për transmetimet e drejtpërdrejta

3 Prill 2025, 18:30, Aktualitet CNA

Ceremonitë religjioze/ Komunitetet fetare japin vlerësime për

Fundjava e fundit e muajit mars ishte e veçantë, pasi përkoi me dy momente të rëndësishme për dy komunitetet fetare shqiptare.

Myslimanët mbyllën muajin e sakrificës, atë të Ramazanit dhe kremtuan festën e Fitër Bajramit.

Muaji mars ishte po aq i rëndësishëm edhe për ortodoksët shqiptarë, me zgjedhjen e kryepiskopit Joan, që pason në fron të ndjerin, Anastas Janullatos.

Mediat shqiptare i mundësuan publikut shqipfolës anembanë botës këto evente direkt në trasnmetime maratonë me lidhje direkte dhe materiale të dedikuara.

Puna e palodhur e dhjetëra punonjësve, staf teknik apo gazetarë, si dhe vendimmarrja për t’i dedikuar hapësirë të veçantë në ekranin e shqiptarëve tre eventeve fetare, ka marrë vlerësime nga dy komunitetet.

Komuniteti Mysliman Shqiptar shpreh në emër të besimtarëve mirënjohjen dhe vlerëson profesionalizmin e treguar.

“Puna juaj luan një rol të rëndësishëm në promovimin e vlerave të besimit, harmonisë dhe solidaritetit në shoqëri. Transmetimi i ngjarjeve të tilla jo vetëm pasqyron rëndësinë e tyre shpirtërore, por gjithashtu ndihmon në edukimin dhe formimin moral të shoqërisë sonë”,-shprehet në letër.

Po aq vlerësuese është edhe letra e Kryepiskopit, Imzot Joanit.

“Me lejoni që, me anë të kësaj letre, t’iu shpreh mirënjohjen dhe falenderime të përzemërta për ndihmën dhe kontributin tuaj, duke iu përgjigjur me shumë profesionalizëm kërkesës tonë për vënien në dispozicion të grupit tuaj. Transmetimi i drejtpërdrejtë i meshës së parë të kryepeshkopit të ri, Joan ishte gjithashtu shumë domethënës për Komunitetin Ortodoks brenda dhe jashtë vendit tonë”,-shprehet Imzot Joani./CNA 





Lajmet e fundit nga