web counter
LEXO PA REKLAMA!

SHKARKO APP

App Store
Google Play

Thirrja e Vasilit në SPAK/ Meta sulmon Prokurorinë e Posaçme: Të kërkojë edhe në hënë…

22 Korrik 2023, 17:58, Aktualitet CNA

Thirrja e Vasilit në SPAK/ Meta sulmon Prokurorinë e Posaçme:

Një ditë më parë, nënkryetari i Partisë së Lirisë, Petrit Vasili u thire në SPAK për të dëshmuar për lobimin e LSI-së, sot PL, në SHBA.

Dyshohet se Vasili, si përfaqësues i LSI-së, ka firmosur një nga kontratat e lobimit me kompaninë "Global Security and Innovative Strategies", në 2016.

Në lidhje me thirrjen e Vasilit në SPAK dhe dyshimeve për lobim të LSI në SHBA, Meta në një dalje televizive deklaroi se SPAK mund të bëjë dhe të kërkojë ç’të dojë  por sipas tij Partia e Lirisë dhe Meta zbatojnë ligjet e çdo vendi demokratik dhe nuk kanë për të gjetur asgjë të paligjshme.

Ai nënvizoi se e gjitha kjo po bëhet për të zhvendosur vëmendjen nga afera e inceneratorit të Tiranës.

“Sa i takon Vasilit apo aktiviteteve të LSI mund të thonë se çfarë të dëshirojnë.

Kjo nuk është një pyetje për mua, ata që mendojnë se do të lehtësojnë risitë e Edi Ramës për regjimin kriminal dhe detyrohen të vënë sanksionet që të spostojë përgjegjësinë e tij në këtë piramidë korrupsioni. Sa i kërkon Metës dhe LSI, SPAK të bëjë dhe të kërkojë ç’të dojë, jo të çojë letra në Amerikë por edhe në hënë, Partia e Lirisë dhe Meta zbatojnë ligjet e çdo vendi demokratik. Të jeni të sigurt asgjë nuk ka patur dhe asgjë nuk mund të ketë të paligjshme.

Këto janë manipulime për të spostuar vëmendjen nga fakti që vazhdojnë pagesat për inceneratorin e Tiranës” është shprehur Meta./ CNA.al

 





Lajmet e fundit nga