web counter
LEXO PA REKLAMA!

SHKARKO APP

App Store
Google Play

“Të rinjtë në grackën e keqbërësve”/ Balla porosit policinë: Të shkatërrohen grupet kriminale

29 Tetor 2023, 15:15, Aktualitet CNA
“Të rinjtë në grackën e keqbërësve”/
Ministri i Brendshëm, Taulant Balla

Ministri i Brendshëm, Taulant Balla, ka porositur Policinë e Shtetit që të shkatërrojnë grupet kriminale të përfshira në trafikun e lëndëve narkotike.

Ai thotë se publiku dhe çdo familje shqiptare presin që Policia e Shtetit të vijojë të marrë më shumë përgjegjësi ndaj çdo të riu e të reje, të cilët nuk i dinë sot sa duhet rreziqet e mëdha për shëndetin dhe familjet e tyre, ndërsa bien në grackën e keqbërësve të narkotikëve.

Ministri foli dhe lidhur me aksionet e fundit policore ku tha se kanë ndaluar gjashtë persona dhe sekuestruar doza të shumta kokaine dhe kanabis në mjedise argëtimi.

“Policia e Shtetit po godet rrjetet e shpërndarësve të lëndëve narkotike duke shënuar rezultate konkrete. Vetëm gjatë 48 orëve të fundit aksionet policore Gjirokastër, Lezhë, Mirditë, Berat dhe Durrës kanë ndaluar gjashtë persona dhe sekuestruar doza të shumta kokaine dhe kanabis në mjedise argëtimi, të frekuentuara nga të rinjtë. Ndërsa e garantoj publikun për goditje sistematike të këtij fenomeni me rezultate të përditshme, ripërsëris porosinë për Policinë e Shtetit për domosdoshmërinë e shkatërrimit të grupeve kriminale të përfshira në trafikun e lëndëve narkotike. Publiku dhe çdo familje shqiptare presin që Policia e Shtetit të vijojë të marrë më shumë përgjegjësi ndaj çdo të riu e të reje, të cilët nuk i dinë sot sa duhet rreziqet e mëdha për shëndetin dhe familjet e tyre, ndërsa bien në grackën e keqbërësve të narkotikëve. Prandaj Policia e Shtetit i ka sot #PaketëneSigurisënëshkolla dhe luftën kundër shpërndarjes së lëndëve narkotike prioritete kryesore.”, tha Balla./ CNA





Lajmet e fundit nga