web counter
LEXO PA REKLAMA!

SHKARKO APP

App Store
Google Play

E fundit!

x

Të gjitha fitoret e Ervin Salianjit

27 Dhjetor 2025, 11:44, Aktualitet CNA

Të gjitha fitoret e Ervin Salianjit

Ish-deputeti demokrat, Ervin Salianji, një individ i dënuar me vendim gjykate, shpesh në daljet e tij publike dhe artikulimet mediatike thekson se ai është një politikan i suksesshëm dhe në të gjitha garat që ka marrë pjesë ai ka fituar.

Le të shikojmë se cilat janë fitoret e Ervin Salianjit.

Ervin Salianji ka qenë drejtues kryesor i fushatës së kandidatit Andrea Mano për bashkinë e Korçës për vitin 2011. Shkaktari kryesor i një katastrofe elektorale me mbi 2000 vota humbje të Manos për shkak se në trupën e tij, një nga drejtuesit kryesore ishte Ervin Salianji, i cili më shumë i shërbeu në garë Niko Peleshit sesa atij që kishte shkuar të mbështeste.

Në vitin 2015, Ervin Salianji ka garën e tij të parë. Garën e ka me Belind Këlliçin, Humbet keqazi midis të rinjve, në një palë zgjedhje të vërteta për forumin rinor të PD-së dhe unike në llojin e tyre. Kjo qe gara e parë dhe është një humbje e thellë për Salianjin.

Më pas në vitin 2017, Ervin Salianji kandidon në Korçë dhe është një nga drejtuesit kryesorë politikë.

Në përfundim të zgjedhjeve, pasi numërohen votat, PD në qarkun e Korçës, në vitin 2017, kur drejtonte Ervin Salianji ka vetëm 45 mijë vota.

Ndërkohë në vitin 2013, kur PD doli në opozitë kishte vetëm 59 mijë vota. Duhet të kemi parasysh që PD nga pas në vitin 2013 kishte më pak subjekte politike në mbështetje. Katastrofa është rreth 14 mijë vota, më pak se 4 vite më parë, ditën më të zezë të PD kur ajo doli në opozitë.

Më tej Salianji do të jetë sërish një nga drejtuesit kryesorë të PD-së në qarkun e Korçës, në vitin 2021. Partia Demokratike me Salianjin që shpallet fitues ka marrë vetëm 51 mijë vota në qarkun e Korçës. Kemi parasysh që PD në 2021, kishte dhe PBDNJ dhe partitë e tjera në aleancë të cilat nuk i ka pasur në vitin 2013 kur ka patur rreth 59 mijë vota. Pra, pas 8 vitesh në opozitë, PD në qarkun e Korçës merr 8 mijë vota më pak nën “udhëheqjen” e Ervin Salianjit.

Këto janë fitoret e Salianjit. Kudo ku ka shkuar ai vetëm ka humbur.

Ai pretendon një fitore në bashkinë e Kavajës por në fakt nuk është e tija, si i deleguar politik, por është e kryebashkiakut, i cili i organizoi vetë strukturat, drejtoi vetë PD lokale dhe Ervini nuk ka qenë në asnjë, por në asnjë nga format, mënyrat apo idetë për të udhëhequr fitoren në bashkinë e Kavajës.

Këtë e deklarojnë demokratët e Kavajës, këtë e deklarojnë drejtuesit lokalë. Ervin Salianji më shumë ju prishi punë dhe mund t’ju rrezikonte dhe humbjen prandaj e izoluan.

Këto janë faktet, gara e 2011, gara e 2015, gara e 2017, gara e 2021, të cilat na tregojnë se Ervin Salianji jo vetëm ka humbur, por ka humbur turpësisht, keqazi dhe thjesht dhe vetëm ka pasur një egoizëm personal për të marrë ndonjë votë, sesa për të luftuar me një skuadër që jep rezultat dhe çon socialistët në opozitë.

Ervin Salianji i ka shërbyer interesave të tij dhe sot i shërben interesave të Edi Ramës. /CNA





Lajmet e fundit nga