web counter
LEXO PA REKLAMA!

SHKARKO APP

App Store
Google Play

E fundit!

x

Takimet dhe vizita në Shtëpinë e Gjetheve/ Ambasada amerikane zbardh detaje nga vizita e përfaqësueses së SHBA-së në OKB

9 Nëntor 2022, 17:55, Aktualitet CNA

Takimet dhe vizita në Shtëpinë e Gjetheve/ Ambasada amerikane

Ambasadorja e SHBA-së në Kombet e Bashkuara, Linda Thomas-Greenfield, mbajti një vizitë zyrtare në datat 6-7 nëntor në Shqipëri.

Për qëndrimin e saj ka dhënë më shumë detaje ambasada amerikane në Tiranë.

Linda Thomas-Greenfield ka zhvilluar një sërë takimesh, duke nisur nga ai me presidentin Bajram Begaj, kryeministrin Edi Rama, ministren e Jashtme Olta Xhaçka deri te takimi me ish-pjesëmarrësit e programeve të shkëmbimit të Ambasadës së SHBA për të mësuar mbi përvojat e tyre dhe ndikimin që ata kanë sot në Shqipëri.

Takimet dhe vizita në Shtëpinë e Gjetheve/ Ambasada amerikane

Gjithashtu përfaqësuesja e SHBA në OKB ka vizituar sheshin "Skënderbej" dhe Shtëpinë e Gjetheve.

“Përfaqësuesja e SHBA në Kombet e Bashkuara, Ambasadorja Linda Thomas-Greenfield, udhëtoi në Tiranë më 6-7 nëntor si zyrtarja e parë në nivel kabineti që viziton Shqipërinë që nga viti 2016. Vizita e saj përkoi me 100-vjetorin e marrëdhënieve diplomatike dhe mandatin e parë historik të Shqipërisë si anëtare e zgjedhur e Këshillit të Sigurimit të OKB-së. Gjatë vizitës së saj, ajo vizitoi sheshin "Skënderbej" dhe Shtëpinë e Gjetheve, u takua me Presidentin Bajram Begaj dhe Kryeministrin Edi Rama dhe iu bashkua Ministres së Jashtme Olta Xhaçka në një forum për "Gratë, Paqen dhe Sigurinë". Ajo u takua gjithashtu me ish-pjesëmarrësit e programeve të shkëmbimit të ambasadës së SHBA për të mësuar mbi përvojat e tyre dhe ndikimin që ata kanë sot në Shqipëri. Ambasadorja Thomas-Greenfield falënderoi popullin shqiptar për partneritetin dhe miqësinë e jashtëzakonshme mes vendeve tona. Ajo përsëriti mbështetjen e fuqishme të popullit amerikan për Shqipërinë në rrugën e saj demokratike dhe drejt anëtarësimit në BE”, thuhet në deklaratën e ambasadës amerikane./ B.A. – CNA.al





Lajmet e fundit nga