web counter
LEXO PA REKLAMA!

SHKARKO APP

App Store
Google Play

E fundit!

x

"Ta kalojmë fazën e mosbesimit"/ Klosi: Thelbi i reformës nuk është numri i bashkive, por funksioni

16 Shkurt 2026, 14:47, Aktualitet CNA

"Ta kalojmë fazën e mosbesimit"/ Klosi: Thelbi i

Sekretari e Përgjithshëm i PS-së, Blendi Klosi, ka mbajtur fjalën e tij në mbledhjen e Komisionit të Posaçëm të Reformës Territoriale. Klosi tha se thelbi i reformës dhe ajo për të cilën duhet diskutuar nuk është numri i bashkive, por funksioni që do të kryejnë.

Ai shtoi ndër të tjera se anëtarët e mazhorancës dhe opozitës duhet të kalojnë fazën e mosbesimit te njëri-tjetri që të vijohet me punën e komisionit.

“Jemi këtu se reforma e 2015 e ka çuar gjënë përpara, por ama në një diskutim 10-vjeçar kemi momente që do të diskutojmë. Thelbi nuk është a kemi më shumë a më pak bashki, pra numri, problemi është funksioni. Kjo është për të cilën duhet të diskutojmë. Nga eksperienca që kemi në terren me qytetarët duhet t’i japim rrugë procesit. Nëse jemi mosbesues do të thotë se kemi dëmtuar këtë tavolinë dhe këtë proces që është shumë delikat. Të enjten nuk do ta kemi këtë harmoni me njëri-tjetrin, do jemi në shkallë tjetër adrenaline. Duhet t'ia themi njëri-tjetrit dhe publikut, afatin e korrikut s’ia kemi vënë ne vetes për të bërë një reformë. Ne jemi komision i posaçëm parlamentar. Ne kemi një detyrë, por ama afati është i përcaktuar. Nëse duam që këto mekanizma që ngremë në diskutim të jenë të vlefshme në garën e 2027. Korriku është nëse bëhet apo s’bëhet, jo se duam apo e vendosim ne. Në këto mbledhje që kemi bërë jemi ende në fazën e mosbesimit ndaj njëri-tjetrit”, tha Klosi. /CNA





Lajmet e fundit nga