web counter
LEXO PA REKLAMA!

SHKARKO APP

App Store
Google Play

Një ditë para festës së Pavarësisë/ Rama udhëton drejt Kosovës, zbardhet agjenda

16 Shkurt 2026, 10:30, Aktualitet CNA

Një ditë para festës së Pavarësisë/ Rama

Kryeministri Edi Rama do të udhëtojë ditën e sotme drejt Kosovës për një vizitë pune. Gjatë qëndrimit në Prishtinë, Rama do të takohet me Presidenten e Kosovës, Vjosa Osmani, si dhe më pas me Kryeministrin Albin Kurti.

Bëhet me dije se kreu i qeverisë do të marrë pjesë në promovimin e librit “Kur heshtja flet” të autorit Ahmet Shala, si edhe do të mbajë një leksion të hapur me të rinjtë e Universitetit “Hasan Prishtina” dhe nxënësit e gjimnazit “Sami Frashëri”.

Vizita e tij vjen një ditë para ditës së Pavarësisë së Kosovës. Përmes një njoftimi, policia e Kosovës ka bërë me dije se janë marrë masat për ruajtjen e rendit gjatë qëndrimit të Ramës dhe delegacionit nga Shqipëria.

“Me datën 16 shkurt 2026, në Republikën e Kosovës, do të qëndrojë për vizitë zyrtare, Kryeministri i Republikës së Shqipërisë z. Edi Rama. Me këtë rast Policia e Kosovës, gjatë kësaj vizite do të kujdeset për ruajtjen e rendit dhe qetësisë publike si dhe rregullimin e trafikut, gjatë kohës së lëvizjes së eskortës dhe kohës së qëndrimit të delegacionit në Kosovë.

Për të mundësuar qarkullim të lirë të eskortës sipas itinerarit të lëvizjes nga pika kufitare Aeroporti si dhe zhvillimin e aktiviteteve sipas agjendës zyrtare së vizitës, Policia e Kosovës do të bëjë ndërprerje të përkohshme të qarkullimit të trafikut (në intervale të shkurtra kohore) të disa segmenteve rrugore (ku pritet të kalojë eskorta), ku edhe mund të ketë riorientim të trafikut në rrugë alternative. Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik”, thuhet në njoftimin e policisë së Kosovës.  /CNA





Lajmet e fundit nga