web counter
LEXO PA REKLAMA!

SHKARKO APP

App Store
Google Play

E fundit!

x

“Punonjësit nuk janë mish për top”/ Rama sulmon prokurorët: Shpërndajnë fletët e arrestit si ftesa dasme

16 Shkurt 2026, 09:51, Aktualitet CNA

“Punonjësit nuk janë mish për top”/ Rama sulmon

Në mbledhjen e grupit parlamentar të Partisë Socialiste, kryeministri Edi Rama ka sulmuar sërish prokurorët për hetimet dhe arrestimet.

Rama është shprehur se punonjësit e administratës nuk janë "mish për top" të askujt.

Sipas kryeministrit, ata nuk janë shënjestra për të mbushur prokurorët CV-të e tyre që të paraqiten si kandidatë për prokurorinë speciale.

Më tej theksoi se prokurorët shpërndajnë fletët e arrestit si të jenë ftesa dasme.

“Secili duhet të bëjë punën e vet. Nuk jemi këtu që drejtësia të bëjnë punën e vet dhe ne të bëjmë punën e drejtësisë.

Ne jemi këtu për të qeverisur për të çuar para proceset tona për të mundësuar zhvillim ekonomik dhe jam shumë i ndjeshëm ku dhe vetë zhvillimi ekonomik vihet në pikëpyetje nga tkurrja për shkak të presionit të madh.

Të bësh kontrolle në 40 banesa në ditën e Vitit të Ri është të mos kesh asnjë ide për efektin psikologjik mbi shoqërinë, e cila është e mbyllur në shtëpi dhe në televizion ose do shohë këngë e valle ose do shohë si shkohet në shtëpitë e dynjasë për një çështje pas 5 vjetësh.

E di shumë se shumë prej jush janë të zhgënjyer. Nëse nuk do ta bënim këtë nuk do ketë kurrë drejtësi të pavarur në Shqipëri.

Kjo është rruga me të gjitha dhimbjet dhe problemet e veta.

Punonëjsit e administratës nuk janë 'mish për top' të askujt. Nuk janë shënjestra për të mbushur prokurorët CV e tyre që të paraqiten si kandidatë për prokurorinë speciale. Fletët e arrestit shpërndahen si të jenë ftesa për dasmë.

Në shkrimin e Kodit Penal demokracitë udhëhiqen nga liria, diktaturat udhëhiqen nga heqja e lirisë. Problemi kryesor është që ju jeni akoma në mentalitetin se Kodi Penal bëhet për heqjen e lirisë.

Heqja e lirisë është ekstremi për të ruajtur balancat e shoqërisë, por jo të hiqet liria për çdo rast”, tha Rama./ CNA





Lajmet e fundit nga