web counter
LEXO PA REKLAMA!

SHKARKO APP

App Store
Google Play

E fundit!

x

“SPAK ka treguar nivel të lartë të llogaridhënies dhe transparencës”/ Prokurorja: Unë do t’i forcoj më tej

11 Dhjetor 2025, 11:37, Aktualitet CNA

“SPAK ka treguar nivel të lartë të llogaridhënies dhe

Kandidatja për drejtimin e SPAK-ut, prokurorja Doloreza Musabelliu, ka theksuar sot para Këshillit të Lartë të Prokurorisë rëndësinë e fortifikimit të transparencës dhe llogaridhënies në SPAK.

Musabelliu vuri në dukje se deri tani SPAK-u ka treguar një nivel të lartë llogaridhënieje dhe transparence, duke krijuar besueshmëri te publiku, por sipas saj, këto standarde duhet të forcohen edhe më tej. Ajo theksoi se transparenca dhe llogaridhënia janë dy koncepte që plotësojnë njëra-tjetrën, duke mundësuar një komunikim institucional të saktë dhe efektiv.

Prokurorja nënvizoi gjithashtu rëndësinë e cilësisë dhe shpejtësisë në trajtimin e çështjeve, duke i cilësuar si faktorë vendimtarë për suksesin në luftën kundër krimit dhe korrupsionit. Ajo theksoi se ngarkesa e prokurorëve është e lartë dhe se përdorimi efikas i burimeve njerëzore është domosdoshmëri.

Musabelliu theksoi se do të synojë një ndarje të drejtë dhe të balancuar të dosjeve ndërmjet prokurorëve, me qëllim përmirësimin e menaxhimit të çështjeve dhe arritjen e rezultateve konkrete në hetime.

“Deri më tani SPAK-u ka treguar nivel të lartë llogaridhënieje dhe transparence duke krijuar besueshmëri. Synimi im është të forcohen këto standarde më tej.

Transparenca dhe llogaridhënia janë dy koncepte që plotësojnë njëra-tjetrën. Përmes tyre ndërtohet një komunikim institucional i saktë. Cilësia dhe shpejtësia janë faktorë vendimtarë për suksesin e luftës kundër krimit dhe korrupsionit.

Ngarkesa e prokurorëve është e lartë. Përdorimi efikas i burimeve njerëzore është domosdoshmëri.

Do të synohet një shpërndarje e drejtë dhe balancuar e dosjeve ndërmjet prokurorëve”, tha Musabelliu./ CNA





Lajmet e fundit nga