web counter
LEXO PA REKLAMA!

SHKARKO APP

App Store
Google Play

Skena e krimit që tronditi botën/ Si ndodhi vrasja e ish-kryeministrit japonez

10 Korrik 2022, 09:37, Aktualitet CNA
Skena e krimit që tronditi botën/ Si ndodhi vrasja e ish-kryeministrit
Ish-kryeministri i Japonisë, Shinzo Abe

Ish-kryeministri i Japonisë, Shinzo Abe, ka humbur jetën të premten pasi u qëllua me dy plumba.

Ngjarja ndodhi në qytetin jugor të Narës. 

Abe, 67 vjeç, po mbante një fjalim fushate jashtë një stacioni hekurudhor për Kei Sato, një anëtar në detyrë i dhomës së lartë të parlamentit.

Z. Sato kandidon për partinë në pushtet, Liberal Demokratët, në zgjedhjet për Dhomën e Lartë të planifikuar për në 10 korrik.

Në orën 11:30 me orën lokale (02:30 GMT) në pamjet filmike shihet autori duke ecur përpara, disa minuta pasi ish-kryeministri fillon fjalimin e tij. Befasisht dëgjohen të shtëna dhe Abe bie në tokë, i përgjakur.

Skena e krimit që tronditi botën/ Si ndodhi vrasja e ish-kryeministrit

Armë 'e punuar me dorë'

Dëshmitarët okularë, sipas "BBC"-së thonë se e panë autorin duke mbajtur atë, që ata e përshkruajnë si një armë të madhe dhe duke qëlluar dy herë në drejtim të ish-kryeministrit Abe nga pas.

Skena e krimit që tronditi botën/ Si ndodhi vrasja e ish-kryeministrit

Arma, e cila thuhet se ishte një armë e punuar "me dorë", u sekuestrua kur sulmuesi i dyshuar u arrestua. 

Ligjet e rrepta të armëve të zjarrit në Japoni e bëjnë blerjen e një arme jashtëzakonisht të vështirë.

I dyshuari është identifikuar si banor i Narës, Tetsuya Yamagami. 

Raportet e mediave lokale thonë se ai besohet të jetë një ish-anëtar i Forcës Vetëmbrojtëse Detare të Japonisë, ekuivalenti i marinës japoneze.

Gjatë marrjes në pyetje, autori ka thënë se kishte qenë "i pakënaqur" me ish-kryeministrin Abe dhe kishte për qëllim ta vriste atë./CNA.al





Lajmet e fundit nga