web counter
LEXO PA REKLAMA!

SHKARKO APP

App Store
Google Play

Arrestohet për drogë majori shqiptar i NATO-s/ Reagon Ministria e Mbrojtjes

9 Korrik 2022, 19:27, Aktualitet CNA
Arrestohet për drogë majori shqiptar i NATO-s/ Reagon Ministria e
Majori, Ermal Dinoshi

Forcat e Armatosura Shqiptare janë përfshirë në një skandal të rëndë, një major shqiptar pjesë e kësaj armate i identifikuar si Ermal Dinoshi është shkarkuar nga detyra që mbante në një nga bazat e NATO-s në qytetin Brunssum të Holandës, sepse dyshohet se është përfshirë në aktivitetin e paligjshëm të rritjes së kanabisit në ambiente të mbyllura.

Pas publikimit të lajmit, burime nga Ministria e Mbrojtjes për CNA.al, bëjnë të ditur se majori është liruar me urgjencë nga detyra që mban, deri në verifikimin e plotë të ngjarjes.

Sipas Ministrisë së Mbrojtjes, është kërkuar me urgjencë një informacion i hollësishëm nga autoritetet holandeze për majorin Dinoshi, i cili ushtronte detyrën e tij në Komandën e Bashkuar të NATO-s.

Sipas Ministrisë, për Ermal Dinoshin është firmosur menjëherë lirimi nga detyra dhe është kërkuar kthimi urgjent në Shqipëri.

Në prangat e policisë holandeze, nuk ka rënë vetëm ushtaraku shqiptar, por edhe disa persona të tjerë, të cilët dyshohet se kanë ushtruar aktivitet të paligjshëm duke rritur bimë narkotike në ambiente të mbyllura në qytetin Brunssum të Holandës./CNA.al





Lajmet e fundit nga