Skandali/ Urdhri i drejtoreshës së arsimit parauniversitar krijon kaos në regjistrimin e nxënësve

1 Korrik 2023, 14:49, Aktualitet CNA

Skandali/ Urdhri i drejtoreshës së arsimit parauniversitar krijon kaos

Drejtoresha e përgjithshme e arsimit parauniversitar, Rezarta Alla dhe ministrja e arsimit, Evis Kushi

Një urdhër i firmosur ditën e djeshme nga drejtoresha e përgjithshme e arsimit parauniversitar, Rezarta Alla, krijon kaos në regjistrimin e nxënësve.

Bëhet fjalë për urdhërin e procedurës së regjistrimit të nxënësve në klasën e parë dhe në të dhjetë, i cili sipas dokumentit të siguruar nga CNA, kërkon që regjistrimet të përfundojnë deri në datën 20 korrik.

Skandali/ Urdhri i drejtoreshës së arsimit parauniversitar krijon kaos

CNA raportoi më parë dy shkelje të drejtoreshës, që janë nxjerrja e urdhërit pa u botuar në fletoren zyrtare ndryshimet në ligjin e arsimit parauniversitar dhe vendimi i ministres së arsimit për datën e fillimit të vitit të ri shkollor, si dhe urdhëri për kryerjen e regjistrimeve ndërkohë që kanë filluar pushimet verore.

Skandali i Ministrisë së Arsimit/ Dalin urdhëra të reja pa u botuar vendimi në fletoren zyrtare
1 Korrik, 14:27

Por, skandali më i madh qëndron te regjistrimi i nxënësve që shkojnë në klasë të parë.

Aplikimi online i regjistrimit të tyre ka nxitur konflikte midis prindërve të nxënësve dhe drejtuesve të shkollave. Kjo për faktin se procesi i aplikimit të regjistrimit bëhet online dhe nuk zbatohet rregulli ligjor që nxënësi të regjistrohet në shkollë sipas adresës së vendbanimit.

Sipas ligjit për arsimin fillor, por edhe rregulloreve, një nxënës për tu regjistruar në klasën e parë shkon tek shkolla sipas adresës së banimit.

Sistemi ka krijuar probleme, pasi nuk njeh saktësisht adresat. Pra, mjafton të regjistrojë një adresë të thjeshtë banimi dhe sistemi nuk e njeh si gabim, apo pengesë. Sipas rregulloreve dhe ligjit, familjarët pas aplikimit shkojnë dhe paraqiten në shkolla, megjithëse në fakt fëmijën duhet ta regjistrojnë në një shkollë tjetër.

Sistemi ua njeh adresën gabim dhe kjo ka shkaktuar konflikte mes prindërve dhe mësuesve, sepse prindërit kërkojnë që fëmijët e tyre të regjistrohen sipas preferencave të tyre, por kjo gjë nuk mund të bëhet sipas dëshirave personale, por në zbatim të ligjeve.

Duke qenë se sistemi i Ministrisë së Arsimit ka “lajthitur”, mësuesit dhe drejtuesit e shkollave duhet të përballen me një konflikt me prindërit për shkak të formës së gabuar të një sistemi, papërgjegjshmërisë, duke shkuar deri te shkeljet e ligjit si në dy rastet e denoncuara në këtë shkrim. (kliko këtu)./ CNA.al