Skandali i Ministrisë së Arsimit/ Dalin urdhëra të reja pa u botuar vendimi në fletoren zyrtare

1 Korrik 2023, 14:12, Aktualitet CNA

Skandali i Ministrisë së Arsimit/ Dalin urdhëra të reja pa u

Ministria e Arsimit

Drejtoresha e Përgjithshme e Arsimit Parauniversitar, Rezarta Alla ka firmosur ditën e djeshme një urdhër për procedurat e regjistrimit të nxënësve të klasës së parë dhe të dhjetë.

Drejtoresha urdhëron që regjistrimet për nënësit e klasës së parë të përfundojnë deri në datën 20 korrik.

Skandali i Ministrisë së Arsimit/ Dalin urdhëra të reja pa u

Por në këtë urdhër evidentohen disa shkelje të kryera nga drejtoresha Rezarta Alla.

Së pari, urdhëri është nxjerrë në 30 qershor, ndërkohë që ende nuk është publikuar në fletoren zyrtare urdhëri i ministres së Arsimit, Evis Kushi për datën e fillimit të shkollës.

Gjithashtu, në fletoren zyrtare nuk janë botuar ndryshimet në ligjin e arsimit parauniversitar.

Dhe drejtoresha Rezarta Alla kurrsesi nuk mund të nxirrte një urdhër pa dalë në fletoren zyrtare ndryshimet në ligjin e arsimit parauniversitar, si dhe data e nisjes së vitit të ri shkollor.

Së dyti, urdhëri i drejtoreshës së Përgjithshme të Arsimit Parauniversitar vjen në një kohë kur kanë filluar pushimet.

Rezarta Alla ka vendosur afate për regjistrimin e fëmijëve në parashkollor dhe shkollë të mesme, kur mësuesit kanë marrë pushimet verore.

Pra, drejtoresha detyron mësuesit që të rikthehen në punë, ndonëse ata mund të ndodhen me pushime.

Drejtoreshës nuk i interson nëse mësuesit apo prindërit kanë planifikuar pushime, por kërkon që procedurat e regjistrimit të përfundojnë brenda datës 20 korrik.

Kështu, urdhri i Drejtoreshës së Përgjithshme të Arsimit Parauniversitar është në shkelje totale me procedurat zyrtare, i cili mund të lerë shumë fëmijë pa regjistruar, pasi mësuesit marrin pushimet (dhe po i kthejnë me dhunë në punë)./ CNA.al