Skandal në Kuvend/ Vokshi kërkon dieta dhe shpërblime për anëtarët e Komisionit Hetimor

28 Korrik 2024, 16:25, Aktualitet CNA

Skandal në Kuvend/ Vokshi kërkon dieta dhe shpërblime për

Albana Vokshi

Një tjetër skandal, i ngjashëm me atë të “Babales”, përfshin deputeten Albana Vokshi, e cila drejtoi Komisionin Hetimor për Shëndetësinë në lidhje me koncesionet.

Detyra e këtij komisioni ishte të zbulonte korrupsionin e qeverisë, koncesionet, shkeljet, bashkëpunëtorët dhe përfituesit e parave të shqiptarëve.

Por duket se, ky komision nuk ka nxjerrë në dritë asgjë përveçse është kthyer në një komision mesa duket për të mbushur xhepat e deputetëve.

Ndryshe nga sa duket në plan të parë kur Albana Vokshi sherrosej me Plarent Ndrecën në fakt ka qenë një komision për të marrë një shpërblim, dieta, pagesa dhe përfitime për anëtarët e komsionit.

CNA ka mundur të sigurojë dokumentet zyrtare të cilët tregojnë qartazi funksionin e këtij komisioni.

“Në dokumente thuhet:

Për trajtimin financiar të anëtarëve dhe stafit mbështetës të Komisionit Hetimor për Shërbimet Publike të Sterilizimit dhe të Check-up në shëndetësi.

“Neni 13, pika 2, dhe 4, e ligjit nr.8550, datë 18.11.1999 "Statusi i deputetit”, përcaktojnë se:

2. Paga e deputetit përbëhet nga paga për pjesëmarrjen e tij në seancë, në komisione dhe në veprimtari të tjera parlamentare. Gjithashtu, ai gëzon të drejtën e shpërblimit për pjesëmarrje në komisione, si drejtues i Komisionit apo si drejtues i grupit parlamentar.

4. Raportet e pagës, masës së dietës, të shpërblimit, si dhe norma për transportin që përfiton deputeti, kryetari i komisionit, nënkomisionit dhe kryetari i grupit parlamentar përcaktohen me vendim të Kuvendit. Pika 6/a e Vendimit të Kuvendit nr. 114/2014 "Për mënyrën e trajtimit të deputetëve", përcakton se:

“Pjesëmarrja në mbledhjet e Këshillave, Byrosë së Kuvendit, komisioneve hetimore apo të posaçme, shpërblehet në të njëjtën mënyrë si mbledhjet e komisioneve të përhershme.

Pika 7 e Vendimit të Kuvendit nr. 114/2014 "Për mënyrën e trajtimit të deputetëve", përcakton se: 7. "Deputeti përfiton dieta ditore, për ditët e shërbimit Brenda vendit, në masën 4 % të pagës baze..."

Pika 7/c e Vendimit të Kuvendit nr.114/2014 "Për mënyrën e trajtimit të deputetëve", përcakton se:

7.c "Deputetët i përfitojnë dietat pas dorëzimit të dokumentacionit vërtetues të firmosur nga ana e tyre. Forma e dokumentacionit vërtetues dhe procedura e përcjelljes për pagesë përcaktohet nga Sekretari I Përgjithshëm"

Në mbështetje të bazës ligjore sa më sipër, kërkojmë:

1. Të gjithë anëtarët e komisionit hetimor të trajtohen financiarisht për çdo mbledhje komisioni që kanë marrë pjesë, sipas dokumentacionit vërtetues të mbledhjes, si dhe trajtimin financiar me dieta për ditët qe kanë kryer vizita jashtë Tiranë, sipas dokumentacionit vërtetues për çdo rast.

2. Stafi mbështetës, anëtarët e sekretariatit teknik që asistojnë komisionin, të trajtohen financiarisht me orë jashtë orari në rastet kur mbledhjet e komisionit zgjasin përtej orarit zyrtar të punës, sipas dokumentacionit vërtetues për çdo rast"

Ky është skandali. Një komision hetimor për koncesionet dhe shkeljet në Shëndetësi, i cili shndërrohet në një komision që mbush xhepat e deputetëve me paga, dieta dhe shpenzime./ CNA