web counter
LEXO PA REKLAMA!

SHKARKO APP

App Store
Google Play

Situata në Qarkun Korçë, reshje të pakta bore në zonën e Dardhës

22 Shkurt 2026, 09:02, Aktualitet CNA

Situata në Qarkun Korçë, reshje të pakta bore në

Situata në territorin e Qarkut Korçë paraqitet e qetë dhe pa problematika, sipas informacioneve të marra nga strukturat përgjegjëse të mbrojtjes civile. Njësitë e vetëqeverisjes vendore nuk raportojnë emergjenca në zonat nën administrimin e tyre.

Sipas Autoritetit Rrugor Shqiptar – Drejtoria Rajonale Qendër-Lindje, gjatë natës janë regjistruar reshje bore me intensitet të ulët në segmentet K/Boboshticë–Dardhë dhe K/Lapidari i Podgorisë, në zonën e Dardhës. Strukturat rrugore kanë ndërhyrë me pastrim dhe kriposje, ndërsa qarkullimi i mjeteve vijon normalisht.

Në akset Korçë–Ersekë (K.3), Zemblak–Goricë (K.6) dhe Bilisht–Miras nuk ka pasur reshje, ndërsa moti paraqitet i kthjellët dhe pa probleme në qarkullim. Po ashtu, në Lotin 7, në akset Libonik–Rëmbec–Plasë dhe Korçë–Voskopojë, si edhe në segmentet e kontratës nr. 2, nuk raportohen vështirësi në lëvizjen e automjeteve.

Në segmentet Ersekë–Tre Urat dhe Maliq–Kufi Gramsh, gjatë mbrëmjes së kaluar është konstatuar fluks i lartë lëvizjeje dhe trafik i shkaktuar nga kalimi i disa trajlerëve në kundërshtim me kufizimet. Gjatë ditës së sotme lëvizja paraqitet e reduktuar dhe situata vijon të monitorohet.

Ndërkohë, sipas OSHEE – Dispeçeria Rajonale Korçë, Fidri 9, NST Lozhan, rezulton pa energji elektrike në zonën Mesmal, duke prekur rreth 40 abonentë. Grupi i punës ndodhet në terren për identifikimin dhe riparimin e defektit, me qëllim rikthimin sa më të shpejtë të furnizimit me energji elektrike.

Strukturat e mbrojtjes civile mbeten në gatishmëri të plotë dhe në monitorim të vazhdueshëm të situatës, ndërsa për çdo zhvillim të mëtejshëm priten njoftime të tjera zyrtare./ CNA





Lajmet e fundit nga