web counter
LEXO PA REKLAMA!

SHKARKO APP

App Store
Google Play

Incidentet te Xhamia e Namazgjasë gjatë protestës/ Reagon Komuniteti Mysliman i Shqipërisë

21 Shkurt 2026, 13:03, Aktualitet CNA

Incidentet te Xhamia e Namazgjasë gjatë protestës/ Reagon

Komuniteti Mysliman i Shqipërisë ka dalë me një reagim zyrtar lidhur me ngjarjet e ndodhura mbrëmjen e djeshme pranë Xhamisë së Namazgjasë, kur besimtarët po falnin namazin e Teravive.

KMSH shpreh indinjatë për lëndimin e besimtarëve, ndërsa ka dënuar incidentin e ndodhur pranë xhamisë. Në reagim u bëhet thirrje aktorëve të përfshirë që të tregojnë vetëpërmbajtje, në mënyrë që veprimet e tyre të mos cenojnë të drejtat dhe liritë e besimtarëve tanë apo të çdo qytetari tjetër.

REAGIM ZYRTAR:

Komuniteti Mysliman i Shqipërisë ka ndjekur me vëmendje ngjarjen e ndodhur mbrëmjen e djeshme pranë Xhamisë së Namazgjasë, në një kohë kur besimtarët po falnin namazin e Teravive.

Shprehim indinjatën tonë të thellë për lëndimin e pajustifikuar të besimtarëve, të cilët ndodheshin në ambientet e xhamisë për të kryer ritet e tyre fetare në paqe dhe qetësi.

Komuniteti Mysliman i Shqipërisë ka qenë gjithmonë një faktor i matur dhe i përmbajtur në qëndrimet dhe reagimet e tij publike. Megjithatë, kjo maturi nuk duhet të keqinterpretohet si tolerim i shkeljes së të drejtave dhe lirive kushtetuese të besimtarëve tanë.

Në këtë kuptim, dënojmë me vendosmëri incidentin e ndodhur më 20 shkurt 2026 pranë Xhamisë së Namazgjasë, ku besimtarë të pafajshëm u lënduan pa asnjë shkak.

U bëjmë thirrje të gjithë aktorëve të përfshirë që të tregojnë maturi, përgjegjësi dhe vetëpërmbajtje, në mënyrë që veprimet e tyre të mos cenojnë të drejtat dhe liritë e besimtarëve tanë apo të çdo qytetari tjetër. /CNA





Lajmet e fundit nga