Si shteti mund të ndihmojë dhe shpëtojë jetë në bashkëpunim me privatin

30 Korrik 2023, 22:22, Aktualitet CNA

Si shteti mund të ndihmojë dhe shpëtojë jetë në

Genc Fuga një aktor i shumënjohur, një nga njerëzit e skenës dhe ekranit pati një problematikë shëndetësore e cila u bë publike nga bashkëshortja e tij Enerjeta Fuga dhe pati një reagim të menjëhershëm publik.

Një goditje që kishte pësuar Genci, e kishte detyruar atë të shtrohej me urgjencë në Spitalin Amerikan i cili është i vetmi vend që ofronte këtë lloj shërbimi .

Bashkëshorja e tij bëri thirrje që të gjithë ta ndihmonin sado pak.

Më pas, u bë një mbledhje fondesh publike dhe menjëherë paratë u mblodhën shkuan në rreth 50 mijë euro donacione të dhëna në më pak se 24 orë nga shqiptarët.

Nga ana tjetër dhe vetë spitali e kishte futur direkt në operacion dhe kishte ofruar shërbim menjëherë.

Sipas të dhënave që vijnë nga mjekët, Genc Fuga është shpëtuar, është në gjendje më të mirë shëndetësore.

Ky rast na jep dhe një leksion për të kuptuar se çfarë ka ndodhur dhe si mund të zgjidhet një problematikë duke përdorur pozitivisht rastin shëndetësor të Gencit.

Për shkak se ishte një njeri publik të gjithë e morën vesh çfarë kishte ndodhur, pagesat që duheshin, lajmi u hap me shpejtësi e të tjera si këto.

Shteti nuk e ofronte atë lloj shërbimi për problematikën e sëmundjes që kishte, apo goditjes që kishte pësuar Genci dhe ai u çua në një spital privat.

Sptali privat siç e theksuam ia dha shërbimin. Emergjenca nuk kishte pasur asnjë lloj pengese për t’i shpëtuar jetën, pra nuk ka qënë çeshtje pagesash, nga spitali.

Por kjo na tregon se si mund të shpëtohen më shumë jetë njerëzish.

Duke qënë se shteti nuk e ofron këtë shërbim, pse mos ta subvencionojë tek privati, jo vetëm në këtë rast por edhe në problematika të tjera specifike që nuk i kanë spitalet tona.

Pra nuk ka pse shteti të investojë 3 apo 4 milionë euro për të krijuar një qelizë të tillë, pra një njësi për ndërhyrje specifike siç qe rasti i aktorit, por të tilla raste që janë të pakta në Shqipëri për shkak të numrit të vogël të popullsisë, 20 raste në vit të cilat kushtojnë nga 2 apo 3 mijë euro në maksimun 20 mijë euro, shteti mund t’i subvencionojë.

Ashtu siç është rasti i dializës. Askush nuk mund të akuzojë më dhe të thotë një fjalë të keqe për shërbimin e dializës.

Para pak vitesh, ishte problematikë. Njerëzit shkonin në Tiranë apo detyroheshin në Ohër.

Sot është e përhapur në të gjithë Shqipërinë, jepet shërbimi për të sëmurë. Shteti e subvencionon tek privati.

Shërbimi është i përkryer.

Kështu ndoshta duhet të ndodhë për shumë raste siç është specifika e aktorit Genc Fuga, pra qeveria nuk ka pse investon me miliona euro për të ngritur një njësi kur është ngritur, shërbimi është i gatshëm.

Atëhere shteti mund ta subvencionojë, sepse nuk është çështja vetë e investimit nga qeveria e cila mund të mos e ketë problem por është mirëmbajtja, eksperienca e të tjera.

Ndërkohë që gjithçka është gati, nuk ka pse kjo të mos bëhet nga privati dhe shteti ta subvencionojë, pasi kjo do të jepte zgjidhje një problematike menjëherë sepse për ta zgjidhur njësinë apo për të bërë investimin do duhen projekte, tendera, vite investime e të tjera si këto.

Ndërsa me kalimin e shërbimit tek privati do të ishte një zgjidhje emergjence për ato 10 apo 30 raste që mund të jenë në vit në Shqipëri por do të ishin 10 apo 30 jetë të shpëtuara menjëherë nga një shërbim privat që mund të subvencionohet lehtësisht nga shteti dhe ky do të ishte një akt për t’u përshëndetur më pas për Ministrië e Shëndetësisë apo qeverinë shqiptare, siç është rasti i dializës apo shërbimeve të tjera që ofrohen nga privati dhe subvencionohen nga shteti./CNA.al