web counter
LEXO PA REKLAMA!

SHKARKO APP

App Store
Google Play

Zjarret pushtojnë Maliqin/ Nevojitet ndihma e bashkive përreth për shuarjen e flakëve

30 Korrik 2023, 20:26, Aktualitet CNA

Zjarret pushtojnë Maliqin/ Nevojitet ndihma e bashkive përreth

Zjarret janë kthyer në një problem madhor për vendin tonë gjatë kësaj vere.

Kjo “virozë” e stinës së nxehtë ka prekur edhe Malqin ku bëhet me dije se janë riaktivizuar vatrat e zjarrit në zonën torfike të fushës së Maliqit.

Zjarri ka përfshirë afro 70 hektarë kashtë, grurë i korrur.

Bëhet me dije se 3 mjete të shërbimit zjarrfikës të bashkisë së Maliqit janë në terren për të izoluar flakët e zjarrit që të mos përhapen më tej edhe pse për shkak të erës së fortë situata është rënduar së tepërmi duke bërë që flakët të dalin jashtë kontrollit të punonjësve të shërbimit zjarrfikes dhe shërbimit të njësisë administrative Vreshtas.

Administratori Çezar Bezati bën me dije se është e pamundur në situatë të tillë ti afrohesh vatrave të mëdha të zjarrit, madje punonjësit e shërbimit zjarrfikes janë në vështirësi të madhe të jetës, pasi tymi dhe flakët rrezikojnë se tepërmi jetën e tyre dhe terreni është tejet i vështirë.

Ka patur raste që punonjësit janë rrethuar nga vatrat e zjarrit duke e bërë të vështirë daljen e tyre në situata të tilla.

Sipas banorëve një zjarr i tillë në fushën e Maliqit nuk është parë herët e tjera./CNA.al





Lajmet e fundit nga