web counter
LEXO PA REKLAMA!

SHKARKO APP

App Store
Google Play

Shkarkimi i Prodës/ Lala zbulon dinamikën: Kishte një debat të ashpër me kryeministrin Rama

4 Mars 2026, 22:35, Aktualitet CNA

Shkarkimi i Prodës/ Lala zbulon dinamikën: Kishte një debat

Gazetarja Klodiana Lala zbuloi sot detaje të reja lidhur me një sërë ngjarjesh që çuan në shkarkimin e ish-drejtorit të Përgjithshëm të Policisë së Shtetit, Ilir Proda.

E ftuar në emisionin “Opinion”, Lala tha se ndryshimi i kreut të policisë filloi me tensionet e zhvilluara gjatë protestës së opozitës më 28 shkurt, në të cilën u sulmua edhe vila e ish-diktatorit Enver Hoxha.

Gazetarja tregoi se për këtë rast, Proda kishte një debat të ashpër e me tone të forta me kryeministrin Edi Rama, që bëri më pas që detyra t’i kalonte Sokol Bizhgës.

“Ata mund ta kishin parashikuar ndërsa gazetarët e kanë mësuar në atë moment. Makinat janë mbledhur aty bashkë me protestuestit. Aty ka pasur goditje ndaj vilës së ish-diktatorit. Të nesërmen, Proda nuk ishte më drejtor i Policisë së Shtetit. Ka pasur një debat të ashpër me tone të forta mes Prodës dhe Ramës. Që nga ai moemnt u komandua Bizhga. Proda shkoi në zyrë të dielën në mbrëmje dhe mori sendet e tij personale. Bizhga shkoi edhe pse nuk kishte marrë ende detyrën zyrtare nga ministria”,-tha Lala./CNA





Lajmet e fundit nga