E fundit!

10:47 Aktualitet

"Gërdeci"/ Mediu "zbërthehet" para togave të zeza: Gjykimi ndaj meje në kundërshtim me ligjet, moralisht jam përgjegjës

Ish-ministri i Mbrojtjes, Fatmir Mediu, ka hedhur poshtë a...

Shënim/ Aksidentet ujore nuk ndalohen me letër porosi, por me ligje!

2 Gusht 2022, 17:39, Aktualitet CNA

Për Policinë e Shtetit situata në bregdetin shqiptar, po rezulton se është krejtësisht jashtë kontrollit.

Vetëm brenda dy javëve janë shënuar dy raste të rënda, ku skafet e ujit kanë aksidentuar pushuesit në breg të detit, duke shkaktuar edhe viktima.

Dy javë në parë në plazhin e Jalës një motor ujit erdhi nga mesi i detit dhe përplasi në çadër duke pushuar ne shezllong dy pushues duke iu rrezikuar seriozisht jetën.

Ndërsa sot është shënuar rasti fatal, ku një skaf ka goditur për vdekje një fëmijë vetëm 5 vjeç në breg të detit në plazhin e Potamit në Himarë.

Raste të tilla ku skafet e ujit lëvizin shumë afër bregut dhe pushuesve, çdo verë bëhen edhe më shqetësuese për pushuesit.

Gjithmon policia del me një deklaratë ku kërkon të merren masa dhe paralajmëron penalitete për shkelësit e këtij urdhëri, por asgjë, gjithçka mbetet në letër dhe në fund të ditës të gjithë bëjnë si duan vetë.

Një ditë më parë kreu i Policisë së Shtetit, Gledis Nano, me anë të një letër porosie ka kërkuar nga drejtuesit e Policisë në qarqe që të marrim masa në kuadër të sezonit turistik, sa i përket sigurisë së pushuesve, duke e vënë theksin tek aksidentet me mjetet lundruese që kryejnë manovra të rrezikshme në det.

Dhe, si për ironi të fatit, ende pa u bërë 24 orë nga kjo letër porosie e kreut të Policisë së shtetit, një nga zyrtarë e policisë së shtetit, vartës i z. Nano, për të cilin nuk e dimë nëse e ka lexuar letër porosinë e shefit, aksidenton për vdekje në breg të detit një fëmijë 5 vjeç.

Për të parandaluar tragjedi të tilla, mjaft të rënda, nuk bëhen me letër porosi në mes të sezonit veror, por me vendime qeverie dhe ligje.

Në rast se nuk ndërhyet me ligj, dhe të ketë ndërgjegjësim dhe dënim maksimal të shkelësve të ligjit, me këtë ritëm nuk do të habiteshim aspak kur ti shikonim skafet duke ecur në rrugë dhe jo më në det./CNA.al