E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

1 në 3 shqiptarë vuan nga pasiguria për ushqim/ Dizdari ngre alarmin: Politikat e Ramës, të gabuara

2 Gusht 2022, 16:15, Aktualitet CNA

1 në 3 shqiptarë vuan nga pasiguria për ushqim/ Dizdari ngre

Fjoralba Dizdari

Anëtarja e Këshillit Kombëtar të PD-së, Fjoralba Dizdari, deklaroi sot se rreth 1 në 3 shqiptarë vuan nga pasiguria për ushqim.

Sipas Dizdarit, raporti i Organizatës për Ushqim dhe Bujqësi të OKB-së, vlerëson Shqipërinë si vendin me pasigurinë më të lartë në Europë për ushqim.

Ajo shprehet se PD-ja është e shqetësuar pasi 30 për qind e shqiptarëve janë në kërkim të ‘bukës së gojës’.

“Rreth 1 në 3 shqiptarë vuan nga pasiguria për ushqim, për shkak të mungesës së parave apo burimeve të tjera. Ky është përfundimi i një raporti të organizatës për Ushqim dhe Bujqësi të OKB-së, që e bën vendin tonë me pasigurinë më të lartë në Europë për ushqim. Gjetja është tronditëse, jo vetëm në vetvete, por edhe për faktin se prevalenca e sigurisë ushqimore, që do të thotë përpjekja për të siguruar ushqimin, është shqetësim kryesor i njerëzve, kap 30 për qind të shqiptarëve. Nëse këtë përqindje e ndajmë dhe marrim vetëm pjesën e atyre që kanë pasiguri ushqimore të rënduar, treguesi që regjistron Shqipëria për tri vitet e fundit është 7.7 për qind. Edhe pse është shënuar përmirësim në raport me anketën paraardhëse, alarm përbën fakti se rreth 8 për qind e popullsisë është në hall për ‘bukën e gojës’”, theksoi ajo.

Dizdari shprehet se sa i takon asaj që quhet ‘pasiguri ushqimore e lehtë’, Shqipëria ka nivelin më të lartë në Europën juglindore.

“Maqedonia e Veriut llogarit 20.9 për qind të popullatës, ndërsa Serbia 14.1 për qind. Pas tyre vjen Mali i Zi me 14 për qind, Bosnjë-Hercegovina me 12.6 për qind dhe Kroacia me 11.4 për qind. Europa Perëndimore e ka këtë tregues 4.4 për qind. Partia Demokratike e sheh me alarm faktin se një e treta e popullsisë nuk e ka të sigurt ushqimin e përditshëm, dhe thekson se politikat e qeverisë Rama janë të padrejta, të gabuara dhe klienteliste. Ndarja e pasurive kombëtare me 30 vetë, çon 30 për qind të shqiptarëve në kërkim të bukës së gojës”, tha Dizdari.