web counter
LEXO PA REKLAMA!

SHKARKO APP

App Store
Google Play

Sejamini: Të shkrihet Bashkia e Tiranës, është organizatë kriminale

19 Prill 2024, 11:15, Aktualitet CNA
Sejamini: Të shkrihet Bashkia e Tiranës, është
Analisti Neritan Sejamini

Analisti Neritan Sejamini ka kërkuar shkrirjen e Bashkisë së Tiranës.

Për këtë kërkesë ai ka marrë shkas nga afera “5D” në Bashkinë e Tiranës, e drejtorëve të Erion Veliajt, të cilët u arrestuan me urdhër të SPAK-ut pas kallëzimit të ish-deputetit Belind Këlliçi. 

Sejamini tha në emisionin "Të Paekspozuarit" se në Bashkinë e Tiranës është krijuar organizatë kriminale për të zhvatur paratë publike.

Ai theksoi se Bashkia Tiranë duhet hetuar nga fillimi deri në fund, pasi janë përdorur paratë e shtetit për të furnizuar bizneset private.

"Ka pasur edhe disa hetimet të tjera për kontrata nga Bashkia e Tiranës. Pothuajse çdo drejtues i Bashkisë ka patur edhe aktivitet privat dhe aktivitetin publik e çonin te aktiviteti privat.

Më bëri përshtypje një zonjë kishte person fizik dhe kishte marrë 600-700 mijë euro dhe punonte edhe në Bashki për 600 euro në muaj. Pra skema është kjo, punoj në shtet që paratë e shtetit ti çoj te kompania private.

Është zbatuar nga drejtorë dhe punonjës të bashkisë. E gjithë bashkia Tiranë duhet shkrirë. Ajo që ka ndodhur nuk është e rastësishme.

Jo natën, por ditën punonin për kompaninë private. Kanë përdorur paratë e shtetit për të furnizuar bizneset private. Bashkia Tiranë duhet hetuar nga fillimi deri në fund. Çdo vendim dhe kontratë që ka dalë nga Bashkia Tiranë, duhet të hetohet, kemi patur një organizatë të kalbur. Është krijuar organizatë kriminale për të zhvatur paratë publike", deklaroi Sejamini./ CNA





Lajmet e fundit nga