web counter
LEXO PA REKLAMA!

SHKARKO APP

App Store
Google Play

Seancë maratonë për çështjen “Metalurgjiku”/ Gjykata e Elbasanit cakton masa sigurie për 16 të ndaluarit

16 Dhjetor 2025, 21:30, Aktualitet CNA

Seancë maratonë për çështjen

Gjykata e Elbasanit ka caktuar sot masa sigurimi personal me "Detyrim paraqitje" për të 16-të personat e ndaluar nga operacioni policor “Metalurgjiku”.

Vendimi i marrë këtë të martë vjen pas një seance që zgjati për orë të tëra.

"Në lidhje me masat  e sigurimit me objekt "Vleftësim të ndalimit në flagrancë , caktim mase sigurimi, prokurori i çështjes ka kërkuar në seancë caktim mase sigurimi "Detyrim paraqitje" për 15-të prej të ndaluarve dhe për një prej të ndaluarve caktim mase sigurimi" Detyrim paraqitje dhe ndalim dalje jashtë shtetit". Gjykata në përfundim të gjykimit vendosi: "Vleftësimin e paligjshëm të ndalimit në  flagrancë për 16-të personat e ndaluar dhe dhe masë sigurimi personal "Detyrim paraqitje" për të 16-të personat e ndaluar",-thuhet në njoftim. 

Operacioni “Metalurgjiku”, i finalizuar fundjavën e kaluar nga Drejtoria Vendore e Policisë Elbasan, u zvhillua pas një hetimi disa mujor me metoda speciale dhe nën drejtimin e Prokurorisë, në kuadër të një aksioni kundër krimeve mjedisore.

Hetimet e çështjes kanë në fokus aktivitetin e paligjshëm industrial në zonën e ish-Metalurgjikut në Bradashesh, ku dyshohet se ndotja e vazhdueshme ka rrezikuar drejtpërdrejt mjedisin dhe shëndetin e banorëve të zonës./CNA





Lajmet e fundit nga