web counter
LEXO PA REKLAMA!

SHKARKO APP

App Store
Google Play

E fundit!

x

Hetimet për AKSHI-n/ Belind Këlliçi: SPAK-u mbërriti në kopshtin privat të Ramës

16 Dhjetor 2025, 16:00, Aktualitet CNA

Hetimet për AKSHI-n/ Belind Këlliçi: SPAK-u mbërriti

Deputeti Belind Këlliçi ka reaguar pas hetimeve dhe masave të lëshuara nga SPAK-u për zyrtarë të AKSHI-t.

Sipas Këlliçit, SPAK-u ka mbërritur në kopshtin privat të kryeministrit Edi Rama.

Këlliçi thekson se drejtësia nuk mund të mjaftohet me kurbanë “teknikë”, por duhet guximi për të ndalur një herë e mirë “gjeneratorin” e narkoshtetit shqiptar.

“Vonë, por më mirë se kurrë! SPAK mbërriti edhe në “kopshtin privat” të Ramës, AKSHI me akuzën e “grupit të strukturuar kriminal”.

E kemi denoncuar me emra, me skema, me fakte prej kohësh, madje e “pluguar” mirë qysh 10 muaj më parë nga gazetarë kurajozë. Fijet të çonin deri tek baxhanaku i kryeministrit. E patëm thënë se në këtë rast problemi nuk është thjesht korrupsioni i zakonshëm, por arkitektura e thellë e pushtetit kriminal të Edi Ramës.

Por zemra e strukturës rreh ende e qetë, me gjithë zbarkimin e SPAK në trupin e kalbur të AKSHI-t. Fakti se drejtësia mbërriti tek lidhjet familjare të kokës së (anti)sistemit, e bën edhe më të rëndësishëm këtë hap. Jo si fund, por si fillim i domosdoshëm.

Drejtësia nuk mund të mjaftohet me kurbanë “teknikë”, se mbetemi ende tek administrimi i dëmit. Duhet guximi për të ndalur një herë e mirë “gjeneratorin” e narkoshtetit shqiptar.

Nëse ndalet tek zhurma e skajeve, ky “central” kriminal do të riciklojë krimin me emra të rinj.

Krimi dhe korrupsioni qeveritar sot ka vetëm një arkitekt: ai quhet Edi Rama!”, shkruan Këlliçi./ CNA





Lajmet e fundit nga