E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

SPAK-u kërkon heqjen e imunitetit të Ballukut/ Reagon Rama

16 Dhjetor 2025, 15:10, Aktualitet CNA

Kryeministri Edi Rama ka reaguar menjëherë pas njoftimit zyrtar të SPAK-ut për kërkesën për heqjen e imunitetit për zëvendëskryeministren Belinda Balluku.

Në reagimin e tij, Rama thekson se ende pa u tharë vendimi i Gjykatës Kushtetuese, prokuori po kërkon nga Kuvendi autorizimin për të arrestuar zëvendëskryeministren Belinda Balluku.

Rama shkruan se arrestet pa gjyq janë bërë një modë e vrazhdë në Shqipëri dhe sipas tij është një fakt i turpshëm pa asnjë lidhje me standartet demokratike europiane, gjë që ka shqetësuar seriozisht edhe Këshillin e Europës.

Rama tha se do të angazhohen me të gjithë përgjegjësinë qëiu dhanë 83 mandate, dhe do të përgatiten për të mbajtur një qëndrim të drejtë, të qartë e të denjë, si forca udhëheqëse e vendit dhe e Reformës në Drejtësi.

"Pasi u rrëzua nga Gjykata Kushtetuese për pezullimin antikushtetues dhe antidemokratik të një anëtari të qeverisë, pa u tharë ende boja e vendimit të Kushtetueses, prokurori në fjalë i kërkon Kuvendit, autorizimin për të arrestuar zv.kryeministren - me burg ose në shtëpi.

Që arrestet pa gjyq, në daç në shtëpi e në daç me burg, janë bërë një modë e vrazhdë në Shqipëri, e që Shqipëria është bërë një vend me më shumë të paraburgosur se sa të burgosur - një fakt i turpshëm pa asnjë lidhje me standartet demokratike europiane - gjë që ka shqetësuar seriozisht edhe Këshillin e Europës, kjo dihet botërisht.

Por sigurisht që në rastin në fjalë, ne s’mund dhe s’do ta paragjykojmë kërkesën e prokurorit special, por duke qenë se ndryshe nga proceset e tjera, ku ne si rregull s’flasim për përmbajtjen e çështjeve, këtë herë na kërkohet të japim opinionin tonë, ne do të angazhohemi me të gjithë përgjegjësinë tonë përpara shqiptarëve që na dhanë 83 mandate, e do të përgatitemi për të mbajtur një qëndrim të drejtë, të qartë e të denjë, si forca udhëheqëse e vendit dhe e Reformës në Drejtësi", shkruan Rama./ CNA