web counter
LEXO PA REKLAMA!

SHKARKO APP

App Store
Google Play

Sanksionet e SHBA-së për familjen Hysa/ Klodiana Lala: Kanë pastruar para në disa vende përfshirë Shqipërinë

13 Nëntor 2025, 21:49, Aktualitet CNA

Sanksionet e SHBA-së për familjen Hysa/ Klodiana Lala: Kanë

Gazetarja Klodiana Lala ka ndarë detaje lidhur me vendimin e dhënë këtë të enjte nga SHBA-të për familjen e Luftar Hysës.

E ftuar në “Të paekzpozuarit” me Ylli Rakipin, Lala tha se bëhet fjalë për një familje mafioze, me aktivitet në Meksikë, nën dyshim për pastrim parash të kartelit të njohhur të Sinaloas.  

Lala tregoi se ndër vendet ku është kryer kjo veprimtari përfshihet edhe Shqipëria.

“Vendimi i dalë nga Departamenti i Thesarit, që ka sanksionuar familjen e Luftar Hysës, nën dyshim se pastrojnë paratë e kartelit të Sinaloas. Mendohet se janë pastruar në disa vende, përfshirë Shqipërinë.  Vëllezërit janë nga Belshi, vendosur herët në Meksikë. Luftari ka edhe pasaportë kanadeze.

Sipas sanksionimit, në rastin konkret, duke u konsideruar si familje mafioze, nuk mund të ketë lëvizje të parave pa autorizimin e Departamentit të Thesarit.

Luftar Hysa nuk ishte shumë i njohur, derisa u filmua duke hyrë në Kryeministri, u takua me kryeministrin. Gjatë një interviste tha se nuk ishte takim për biznes, por kishte të bënte me një mik skocez që donte të bënte libër për Shqipërinë. Më pas kryeministri, gjatë një intervistë për mediat italiane, pranoi se ishte diskutuar për një licensë kazinoje.  Familja Hysa ka kazino në Meksikë, por ka edhe në Shqipëri.

Kanë aktivitet edhe në Vlorë. Në atë kohë, kur foli Hysa, diskutimi kishte të bënte, kam parë bilancet e kompanisë, bëhej fjalë për 12 mln euro.

Luftar Hysa u ekspozua për herë të parë nga mediat në Meksikë. U mohua dhe u tërhoqën gazetarët fillimisht, sepse e dini që karteli Sinaloa është ndër më të fuqishmit në botë, është kthyer në shqetësim të madh edhe për SHBA. Por, tashmë është një vendim i SHBA, Departamentit të Thesarit. Ka patur qëllim goditjen e milionave të dollarëve. Kur një familje goditet te paratë, me sa duket Departamenti e sheh si masën ekstreme për të paralizuar aktivitetin e grupit”,-tha Lala./CNA

 

 

 

 

 

 





Lajmet e fundit nga