web counter
LEXO PA REKLAMA!

SHKARKO APP

App Store
Google Play

SHBA sanksionoi bashkëpunëtorin e kartelit të drogës/ Gazetari Klodian Tomorri zbardh detaje 

13 Nëntor 2025, 19:30, Aktualitet CNA

SHBA sanksionoi bashkëpunëtorin e kartelit të drogës/

Shtetet e Bashkuara të Amerikës kanë sanksionuar anëtarët e familjes shqiptare Hysa, të cilët akuzohen se pastronin para të kartelit Sinaloa, në disa biznese të tyre. Personat e sanksionuar janë familjarët e Luftar Hysës, konkretisht Arben Hysa, Ramiz Hysa, Fatos Hysa dhe Fabjon Hysa.

Në lidhje me këtë ka reaguar gazetari Klodian Tomorri i cili është shprehur se SHB-të mund t’i sekuestrojnë pasuritë Luftar Hysës.

“Këto sanksione janë përtej sanksioneve politike, pra janë një shkallë më të rënda, pasi këto sanksione i japin mundësi qeverisë amerikane, pra t'i shpallësh si organizatë kriminale, dhe i japin mundësi qeverisë amerikane që të sekuestrojë çdo të ardhur që ti mund të kesh në Shtetet e Bashkuara të Amerikës.

I japin të drejtë qeverisë amerikane që t'u kërkojë institucioneve financiare, pra bankave, që të bllokojnë dhe të mos procedojnë asnjë veprim financiar të këtyre kompanive.

Pastaj se çfarë të dhënash, se po ta shikosh njoftimin e Thesarit, ai thotë që ne, pra Departamenti i Thesarit në bashkëpunim me qeverinë e Meksikës, në kuadër të luftës së goditjes së karteleve, kemi ndërmarrë këto masa.

Pastaj se çfarë materialesh, provash apo faktesh të tjera kanë skuadrat që po bëjnë këto operacione, këtë ne nuk e dimë. Pra, kanë të tjera fakte që mund të shkojnë në procedime penale apo ku di unë.

Po herë pas here, njoftimi i Thesarit është për këtë. Pra, bllokim të aseteve, sekuestrim parash dhe ndalimin e këtyre kompanive për të bërë biznes me çdo lloj entiteti në Shtetet e Bashkuara të Amerikës”, tha Tomorri./ CNA





Lajmet e fundit nga