web counter
LEXO PA REKLAMA!

SHKARKO APP

App Store
Google Play

E fundit!

x

SPAK do nisë hetimet për kallëzimin e tij mbi "11 majin"/ Aulon Kalaja: Uroj të ndëshkohet krimi zgjedhor

13 Nëntor 2025, 16:27, Aktualitet CNA

SPAK do nisë hetimet për kallëzimin e tij mbi "11

Gjykata e Posaçme ka vendosur ditën e sotme që SPAK të nisë hetimet për pretendimet e kandidatit për deputet, Aulon Kalaja, i cili kishte bërë kallëzim për krim zgjedhor në zgjedhjet parlamentare të 11 majit.

Lidhur me vendimin ka reaguar edhe vetë Kalaja, i cili shprehet se tani Prokuroria e Posaçme ka në dorë të zbardhë të vërtetën dhe të mbrojë vullnetin e lirë të qytetarëve të Durrësit.

Ai shton më tej se Gjykata e Posa­çme është institucioni i parë që po i jep të drejtë për atë që ai e quajti "misionin e tij qytetar". Kalaja thotë se shpreson që ky procedim penal të bëjë realitet atë që sipas tij nuk ka ndodhur kurrë në Shqipëri: ndëshkimin penal të krimit zgjedhor.

Postimi i plotë:

Të dashur miq, dua të ndaj me ju lajmin e mirë se:

Gjykata e Posaçme e Shkallës së Parë për Korrupsionin dhe Krimin e Organizuar ka vendosur te shfuqizojë vendimin e mosfillimit të procedimit penal të SPAK për kallëzimin penal të paraqitur nga unë, si kandidat për deputet në Qarkun Durrës në zgjedhjet e përgjithshme të 11 Majit 2025, sa i takon veprës penale “Grupi i strukturuar kriminal, parashikuar nga neni 333/a të Kodit Penal.

Me këtë vendim GjKKO ka vendosur konstatimin abslolutisht te pavlefshëm të aktit procedural të SPAK, me të cilën u vendos shpallja e mungesës së kompentencës lëndore te SPAK për ushtrimin e ndjekjes penale për pjesën e kallëzimit penal ku kallëzoja kryerjen e veprës penale të falsifikimit te materialeve zgjedhore, e parashikuar nga neni 326/2 i Kodit Penal, vepër penale kjo e kryer në grup të struktuar kriminal, sipas nenit 28/4 dhe 334/1 të Kodit Penal.

GJKKO ka urdhëruar SPAK të regjistroje procedimin penal për secilën nga këto vepra penale të kallëzuara, duke i vendosur si detyrë që të kryejë hetimin e plotë dhe të gjithëanshëm të secilit fakt penal të ndodhur mes kandidatëve dhe adminstratës zgjedhore në KZAZ.

Jo vetëm kaq por sjell në vëmendje se në kallëzimin penal të paraqitur kam kallëzuar penalisht edhe faktet penale krejt të ngjashme që janë bërë publike nga media se kanë ndodhur në Tiranë, Dibër dhe Fier, të provuara si të tilla nga rinumërimi i votave në këto KZAZ. Duke qenë se nuk kishte asnjë adresim nga vendimmarrja e SPAK për këtë pjesë të kallëzimit penal, GJKKO ka udhëruar që hetim të plotë dhe të gjithëanshëm të ketë edhe për këto ngjarje kriminale.

Është në nderin dhe misionin kushtetues të SPAK tashmë të zbardhë të vërtetën kriminale të ndrydhur nga KZAZ, KQZ dhe KAS me vendime të paligjshme në kutitë e votimit.

U jam zotuar çdo votuesi që u kam kërkuar votëbesimin në Qarkun Durrës se do të bëj çmos për të mbrojtur vullnetin e sinqertë të tyre të shprehur me datë 11 maj me votë. GJKKO është i pari institucion që po më jep të drejtë në këtë mision qytetar të nisur në majin e këë viti. Jam shpresëplotë që, sado të fshihet, e vërteta nuk mund të mbytet.

Uroj që ky procedim penal të arrij të bëjë realitet atë që nuk ka ndodhur kurrë në Shqipëri: ndëshkimin penal të krimit të organizuar zgjedhor!

Sinqerisht Aulon Kalaja.

/CNA





Lajmet e fundit nga