Salillari mashtron për gjyqin/ Kërcënon për heqjen e lajmeve

23 Shkurt 2023, 10:56, Aktualitet CNA

Vendimi i Qeverisë për konfiskimin e ndërtimeve pa leje, në shtator të vitit 2022, çoi në konfiskimin e disa shtesave.

Ky vendim ka prekur edhe një pallat në zonën e Farkës në Tiranë, në pronësi të biznesmenit, Pëllumb Salillari.

Një ditë më parë CNA.al ka raportuar në lidhje me këtë rast, duke iu referuar gazetarit Arsen Rusta dhe gazetarirt Klodian Tomorri.

Gazetari Arsen Rusta është shprehur se kompania Salillari, duke mos pranuar të paguajë gjobën, kërkon shfuqizimin e vendimit të qeverisë.

Sekuestrimi i kateve pa leje/ Biznesmeni Salillari, në gjyq me qeverinë
22 Shkurt, 08:50

Dhe me këtë veprim, sipas Rustës, kjo kompani bëhet e para që nis betejën ligjore me qeverinë.

Materiali i dytë i raportuar nga CNA.al, është shkruar nga gazetari Klodian Tomorri, i cili shtron pyetjen se a do ta mundë Salillari, Edi Ramën, duke bërë një analizë të çështjes.

A do ta mundë Salillari, Edi Ramën?
22 Shkurt, 13:46

Pas këtyre publikimeve korrekte, etike dhe profesionale, në redaksinë tonë ka ardhur një telefonatë nga një person, i cili ka kërkuar që në mënyrë miqësore të fshihet shkrimi.

Telefonata është bërë me numrin 068 20 84 8… dhe personi pas këtij numri është prezantuar si Ervisi.

Ky i fundit ka pranuar se shkrimi është korrekt, por se kërkonte heqjen e tij, me pretendimin se mund ta dëmtonte gjatë procesit gjyqësor, se ishte rast i ndjeshëm.

Më pas pretendimi i tij ndryshoi dhe ka dhënë një tjetër version.

I njëjti person, Ervisi, me të njëjtin numër telefoni, si më lart, pretendoi se nuk është bërë padi nga Salillari, po nga pronarët e truallit.

Pra, qartësohet skema.

Ndërton pa leje, më pas vjen vendimi për sekuestro dhe në fund, hedh pronarët e tokës kundër Ramës, nëpër gjyqe.

Kujtojmë se në shtator 2022, një shtesë pa leje në një pallat në ndërtim në zonën e Farkës në Tiranë, me një sipërfaqe 1200 m2 u sekuestrua, pas vendimit të qeverisë për konfiskimin e ndërtimeve pa leje.

Shtesat e kateve pa leje ishin ndërtuar në pallatin në pronësi të biznesmenit Pëllumb Salillari, të cilit ministri i Brendshëm, Bledi Çuçi, i pati lënë dy opsione në dispozicion, deri në sekuestrimin e plotë nga shteti.

Një tjetër pallat “në rrjetë”/ Çuçi, si ministri i kateve pa leje
30 Shtator, 13:54

Tashmë qarkullon versioni i gjyqit, por me prapaskena, ku Salillari duket se hedh gurin dhe fsheh dorën. Dhe sipas burimeve të CNA, gjykata ka rrëzuar kërkesën dhe ka lënë në fuqi konfiskimin e pallatit të Salillarit./CNA.al