web counter
LEXO PA REKLAMA!

SHKARKO APP

App Store
Google Play

E fundit!

x

Saimir Vishaj: Amnistia penale të afrohet deri në shkurt, ka shumë interpretime për veprat në ngarkim

9 Shkurt 2026, 10:08, Aktualitet CNA

Saimir Vishaj: Amnistia penale të afrohet deri në shkurt, ka

Avokati i njohur, Saimir Vishaj, ndau sot një analizë juridike lidhur me Amnistinë Penale.

I ftuar në “Syri TV”, Vishaj theksoi se për këtë aspekt ka shumë intepretime, teksa u shpreh se ky afat duhet të afrohet deri në fund të shkurtit dhe jo deri në fund të vitit 2025, duke mos fshehur as personat që kanë në ngarkim vepra penale.

“Po jo pa prova të shkosh, të marrësh dhe direkt ta arrestosh, aq më tepër kur një person sa herë e thërret vjen, paraqitet pranë prokurorisë dhe gjykatës, policia nga ana tjetër e merr burg në mungesë dhe shkon në mes të natës me kapuça e traumatizon atë si familje sikur ai është një kriminel dhe jo një shkelës ligji, që ka kryer një vepër penale.

Nuk bëhen pa dashje, janë me qëllim. Se në rastin konkret kur kryhen arrestime, njerëzit konsiderohen sende dhe numra. Dhe kur raportojnë te shefat, thonë kemi arrestuar 100 sende, 200 sende, e kthyen njeriun në send.

Kur dihet që mbajtja e njeriut në burg kushton, jo vetëm nga ana monetare, që vete 350, 400 euro, të cilat ne mund t'ia hedhim në kopshte ose mund t'ua japim pensionistëve.

Sa i përket amnistisë, edhe kjo do të ketë shumë interpretime, sepse nga njëra anë vetë amnistia përjashton veprat penale të dënuara nga SPAK-u. Po SPAK-u në një vepër ka një grup të strukturuar, njërin për korrupsion, të tjerët i kanë për shpërdorim detyre e moskallëzim krimi. Shpërdorim detyre dhe moskallëzim krimi nuk është kompetencë e prokurorisë së posaçme. Dhe s'ka pse mos të përfitojë.

Po mjafton që e ka dënuar SPAK-u dhe ky person nuk përfiton. Pra, nuk kemi një barazi të palëve, siç fitojnë këta të gjykatave të juridiksionit të përgjithshëm, të përfitojnë dhe këta.

Një nga pikat e para të amnistisë është që personi duhet të jetë i dënuar. Po ka 60% e personave, të cilët nuk janë pajtuar me vendimin e Shkallës së Parë, kanë bërë ankim.

Kanë bërë ankim dhe ata detyrimisht duhet të heqin dorë nga ankimi për t'u konsideruar i formës së prerë vendimi i Shkallës së Parë. Po ne ende nuk e dimë. Thuhet që amnistia do të dalë brenda dy javësh, tri javësh është e dalë, por përfitojnë ata të cilët kanë kryer vepra penale deri në 31 dhjetor të 2025-ës.

Ndërkohë që ky afat e para duhet të afrohet, të bëhet 28 shkurt dhe e dyta me personat të cilët i fshihen. Ka shumë persona që fshihen me dashje, po ka shumë persona të cilët nuk e dinë që kanë një vepër penale në ngarkim.

Vetëm kur vijnë në pikat e kalimit kufitar, hajde se ke për të bërë dy vjet burg, ke për të bërë tri vjet. Prandaj them që gjithë kjo shtresë e personave, të cilët janë dënuar në mungesë, duhet të ishin përfshirë në amnisti. Ashtu siç duhet të ishin përfshirë edhe personat me burgim përjetë”,-tha Vishaj./CNA

 





Lajmet e fundit nga