web counter
LEXO PA REKLAMA!

SHKARKO APP

App Store
Google Play

E fundit!

x

Rritje page për administratën nga 1 korriku/ Kategoritë që përfitojnë

26 Qershor 2024, 14:04, Aktualitet CNA
Rritje page për administratën nga 1 korriku/ Kategoritë që
Foto ilustruese, marrë nga Google

Në mbledhjen e së mërkurës, Këshilli i Ministrave mori vendimet për rritjen e pagave në sektorin publik.

Në një komunikim me mediat, Ministri i Financave, Ervin Mete, informoi se me miratimin e vendimeve të sotme avancohet faza e dytë e politikës së rritjes së pagave, që ka nisur në vitin 2023, fazë nga e cila përfitojnë rreth 135 mijë punonjës të administratës shtetërore.

Ministri theksoi faktin se me zbatimin e kësaj politike paga mesatare në sektorin publik synohet të arrijë në 105 mijë lekë, dhe se ky vendim hyn në fuqi në 1 korrik.

Nga politika e rritjes së pagave, vijoi më tej Mete, do të përfitojnë: punonjësit e sistemit arsimor parauniversitar; punonjësit e sistemit shëndetësor; punonjësit e sistemit të sigurisë së vendit (Policia e Shtetit, Policia e Burgjeve, Garda e Republikës, Forcat e Armatosura, Mbrojtja nga zjarri dhe shpëtimi); si edhe punonjësit e nivelit zbatues dhe mbështetës të administratës shtetërore.

Rritje page për administratën nga 1 korriku/ Kategoritë që
Ministri i Financave, Ervin Mete. Burimi: MF

Deklarata e plotë:

Kam kënaqësinë t’ju njoftoj se sot në Këshillin e Ministrave miratuam vendimet specifike që synojnë rritjen e pagave për të gjitha kategoritë e parashikuara edhe në buxhetin e këtij viti.

Me miratimin e vendimeve ditën e sotme avancojmë fazën e dytë të politikës së rritjes së pagave, nisur në vitin 2023, nga e cila përfitojnë rreth 135 mijë punonjës të administratës. Përmes zbatimit të kësaj politike paga mesatare në sektorin publik synohet të arrijë në 105 mijë lekë.

Pagat e rritura fillojnë të aplikohen në 6-mujorin e dytë të vitit, pra duke filluar nga 1 korriku, me nje kosto të përllogaritur prej afro 11 miliardë lekësh për ketë 6-mujor të dytë të vitit dhe me një kosto totale buxhetore prej afro 40 miliardë lekësh.
Nga kjo politikë përfitojnë:

1. Punonjësit e sistemit arsimor parauniversitar;

2. Punonjësit e sistemit shëndetësor;

3. Punonjësit e sistemit të sigurisë së vendit:

- Policia e Shtetit

- Policia e Burgjeve

- Garda e Republikës

- Forcat e Armatosura

- Mbrojtja nga zjarri dhe shpëtimi

Si edhe punonjësit e nivelit zbatues dhe mbështetës të administratës shtetërore.

Gjithashtu, me ndryshimet ligjore të miratuara, parashikohet të realizohet indeksimi i të gjitha pagave në administratën publike me normën e inflacionit në fuqi, indeksim që do të realizohet në vazhdimësi çdo dy vjet, duke filluar nga viti 2026./ CNA





Lajmet e fundit nga